Отаси эмас, янгаси: алиментни овсини тўлади
А.И. суд қарорига мувофиқ, у вояга етмаган фарзанди учун собиқ турмуш ўртоғи А.С. фойдасига алимент тўлаши лозим бўлган. Бироқ у ўз мажбуриятини бажармай, 20 миллион сўм қарздорликка йўл қўйган.
Қарздорни топишнинг имкони бўлмаганлиги сабабли, муқаддам унга нисбатан қидирув эълон қилинган.
Мажбурий ижро бюроси Ғаллаорол тумани бўлими давлат ижрочиларининг саъй-ҳаракатлари натижасида қарздорнинг акасининг турмуш ўртоғи — яъни янгаси томонидан собиқ овсинига 10 миллион сўм алимент пули тўлаб берилди.
Қарзни тўлаш жараёнида янгаси ушбу маблағни фақат бегуноҳ фарзандларга раҳми келгани учун тўлаётганини, болалар тақдири на отани, на онасини ўйлантираётганини таъкидлади.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
