Ошо көндәрҙә ҡаланың 18-се мәктәбендә VIll-Xl кластары уҡыусылары менән Рәсәй Федераль Именлек хеҙмәте вәкиле осрашты. Ул уҡыусыларға Интернет селтәрҙәрендә, көндәлек тормошта бик һаҡ булырға кәрәклеген аңлатты. Сөнки уларҙың әле нығынып етмәгән аңы менән ҡара көстәр насар уйҙар менән файҙаланырға мөмкин тип төрлө миҫалдар килтерҙе. Мәғлүмәтһеҙ үҫмерҙәр үҙҙәре лә аңламаҫтан террористик, диверсия һәм экстремистик эшмәкәрлеккә йәлеп ителә һәм яҙмыштарын боҙа. Именлек вәкиле юғары класс уҡыусыларына халыҡ-ара терроризм хәүефе тураһында һөйләне, илебеҙҙең бер нисә тапҡыр террористик агрессияға дусар булыуы тураһында миҫалдар килтерҙе. Рәсәй компетентлы органдары терроризмға ҡаршы ниндәй саралар ҡулланыуын, шулай уҡ ҡануниәт статьяларын тулыраҡ аңлатып, уларҙы боҙоу ҡәтғи енәйәт яуаплылығына килтерә, тине. Рәсәй Именлек хеҙмәте идаралығы тарафынан цифрлы хәүефһеҙлеккә айырыуса иғтибар бүленә. Хәҙерге ваҡытта үҫмерҙәр күп ваҡытын Интернет селтәрендә үткәрә: төрлө уйындар уйнай, видео ҡарай