“Белка” рәхмәт әйтә
"Был эштең мөһимлеге баһалап бөткөһөҙ. Һауа разведкаһынан тыш, артиллерияның һөҙөмтәлелеге киҫкен кәмей. Шуға күрә пилотһыҙ осоу аппараттары операторҙары белгеслегенә ғәскәрҙәрҙең башҡа төрөндә хеҙмәтен тамамлаған контрактниктар араһында ҡыҙыҡһыныу арта”, – ти “Белка”.
Махсус хәрби операцияла ҡатнашыусы Өфө егете, артиллерист, “Белка” позывнойлы яугир пилотһыҙ осоу аппараттары операторҙары эшмәкәрлеге тураһында һөйләне.
“Беҙ отрядта уларҙы күргәнебеҙ ҙә, осрашҡаныбыҙ ҙа юҡ. Әммә көн һайын операторҙарға рәхмәт уҡыйбыҙ. Улар йыш ҡына хәрби бәрелештәрҙән алыҫ ерҙә, йылыла эшләй. Дрондар менән идара итеү пункттарының тәрән тылда, йыһазландырылған ангарҙарҙа йәки биналарҙа урынлашыуы мөмкин”, – ти ул.
“Белка”ның әйтеүенсә, операторҙарҙы йыш ҡына һынау срогы менән, аҙаҡ яҡшы шарттар һәм гарантиялар булған урынға күсереү мөмкинлеге менән алалар. “Беҙҙә хәл киреһенсә, бөгөн һин –төҙәүсе, иртәгә – атыусы”, – ти ул.
Айырыуса дәртләндереү саралары ҡыҙыҡһыныу тыуҙыра. “Беҙҙә, артиллерияла, премиялар подразделениеның дөйөм уңышына бәйле. Ә операторҙарҙа түләүҙәр системаһы асыҡ күренеп тора, һәр юҡ ителгән дошман дроны йәки техникаһы өсөн түләнә. Был хеҙмәт башҡа хәрби хеҙмәт төрҙәренән айырыла. Автомат менән һөжүмгә барыу түгел ул, әммә монитор артында бик көсөргәнешле эш бара. Күҙҙәргә һәм мейегә иҫ киткес ҙур ауырлыҡ төшә.
Был эштең мөһимлеге баһалап бөткөһөҙ. Һауа разведкаһынан тыш, артиллерияның һөҙөмтәлелеге киҫкен кәмей. Шуға күрә пилотһыҙ осоу аппараттары операторҙары белгеслегенә ғәскәрҙәрҙең башҡа төрөндә хеҙмәтен тамамлаған контрактниктар араһында ҡыҙыҡһыныу арта”, – ти “Белка”.
Телеграм каналында “Башҡортостан” пилотһыҙ ғәскәрҙәрҙә хеҙмәт” чат-боты асылды. Виртуаль ярҙамсы Рәсәй Ҡораллы Көстәренең Пилотһыҙ осоу аппараттары ғәскәрҙәрендә хеҙмәт тураһындағы көнүҙәк һорауҙарға яуап алырға ярҙам итәсәк.
Уға тиклем контракт буйынса саҡырыу тураһында баш.бат.рф. сайты яңыртылды. Махсус хәрби операция үткәреү зонаһында хеҙмәт итергә теләүселәр өсөн портал Пилотһыҙ осоу аппараттары ғәскәрҙәренең өҫтөнлөктәре тураһында мәғлүмәт менән тулыландырылды.
Был төп өҫтөнлөктәрҙе ҡарап үтәйек. Пилотһыҙ осоу аппараттары операторҙары өсөн юғары хәүефһеҙлек саралары ҡаралған. Уларҙың хеҙмәте алғы һыҙыҡтан алыҫ ерҙә үтә.
Оборона министрлығы һығылмалы хеҙмәт срогын тәҡдим итә. Контракт бер йылдан алып төҙөлә, был хеҙмәт үҙенсәлектәрен баһаларға мөмкинлек бирә. Хәрби кеше хеҙмәттән китә йәки яңы контракт төҙөй ала.
Яугирҙәргә белгеслектәрҙе һаҡлау гарантиялана. Хәрбиҙе, уның ризалығынан тыш, пилотһыҙ осоу аппараттары менән бәйләнмәгән башҡа белгеслеккә йәки ғәскәрҙәрҙең башҡа төрөнә күсерергә ярамай.
Был өлкәләге контраксылар тулы социаль пакет ала. Уларға закон тарафынан ҡаралған бөтә түләүҙәр, льготалар, социаль гарантиялар ҡағыла.
Бынан тыш, студенттар өсөн махсус шарттар бар. Вуздарҙа уҡыусылар, академик ял алып, контракт төҙөргә хоҡуҡлы, ә хеҙмәттән һуң бюджетҡа уҡырға инә аласаҡ.
Беҙҙең МАХ каналына https://max.ru/gazetabashkortostan ҡушылығыҙ!
Фото: шәхси архивтан.