Дайынчы эр Чаян Бурбу
Даалга алгаш, тулчуп тургаш,
Ээн, бузук бажыңнарга
Эник ытка таварышкан.
Дайынчы эр Чаян Бурбу
Даалга алгаш, тулчуп тургаш,
Ээн, бузук бажыңнарга
Эник ытка таварышкан.
Борбак ак-көк карактарлыг,
Бодамчалыг, өскүссүргей,
Угаанныг ыт, хөөкүй эниин
Умка деп адап алган.
Хатикону дөзээн ышкаш,
Хаски дижир уксаалыг ыт
Кажан шагда чарылбазы,
Кады чоруур өңнүү болган.
Экер-эрес Чаян Бурбу
Ээлчеглиг шөлээ алгаш,
Өскен-төрээн Тывазынга
Өңнүү-биле кады келген.
Каш-ла хонук саадаар эвес:
«Шыдаш, Умка, манаар сен» – дээш,
Катап база аъттаныпкан,
Шынчы өңнүү ону үдээн…
Аэропорт девискээрин
Ам-даа Умка ара кагбаан,
«Эргелиг ээм эглип кээр» дээш,
Ээзин чоктап, манавышаан…
07. 02. 26
#енданбс