Түгәрәк өстәл артында үтте ул - "Серле дөньяга сәяхәт". Тарихыбызга, үткәннәргә битараф булмаган, авылым тарихы дип янып-көеп йөргән, китаплар чыгарган шәхесләр район үзәк китапханәсенә җыелды. Очрашуны Дилә Абдуллина алып барды. Тарихлы булу өчен кешене исән чакта сөйләтеп калырга кирәк!
Авыл, Арча тарихы белән бәйле җитди мзсьәләләр турында сөйләшенде.
Күптән кирәк иде мондый очрашу! Тагын бер очрашу көнен билгеләп таралыштылар.
Түгәрәк өстәл артында менә кемнәр катнашты: Казан кунагы, Каенсар авылы турында китап чыгарган фән эшлеклесе Фәйзелхак Ислаев, Кәчедән Фоат Закиров, Кышкар клубы мөдире Ләйсән Шәфигуллина, китапханә мөдире Гөлнара Ибраһимова, Орнашбаштан Мөнир Касыймов, Т.Мәтәскәдән Лилия Закирова, Яңа Кенәр тарихы турында материаллар туплаучы Венера Шәфигуллина, Лесхоз ягында беткән "26нчы" авыл тарихын мәңгеләштерергә тырышып йөрүче Рания Яруллина, район иҗтимагый советы җитәкчесе Надия Мифтахетдинова, актив иҗат кешесе Халидә Фәйзрахманова һ.б.
