У рамках праекта «Кожная пятніца – роднае, сваё» мясцовыя жыхары прадаўжаюць адкрываць для сябе багатства і разнастайнасць беларускай вытворчасці.
Асаблівая ўвага надаецца прадукцыі мясцовых вытворцаў, у тым ліку смаргонскай, якая славіцца якасцю і натуральнасцю. Гасцям прапануецца паспрабаваць беларускую прадукцыю, якая вырабляецца з улікам традыцыйных рэцэптаў і сучасных стандартаў.
Кафэ «Праванс», якое размяшчаецца ў гасцініцы «Смаргонь», далучылася да рэспубліканскага праекту, каб пазнаёміць гасцей з багаццем беларускай кухні. Цяпер кожную пятніцу вы можаце паспрабаваць разнастайныя і незвычайныя «абеды па-беларуску».
У меню прадстаўлены такія стравы, як бліны па-смаргонску – тонкія, з мясной паджаркай, клёцкі і іншае.
– У нашым кафэ бліны па-смаргонску карыстаюцца вялікім попытам. Першапачаткова гэтая страва была бульбяным бліном у выглядзе канверціка з падсмажкай. Сучасны варыянт уяўляе сабой хрумсткі бульбяны блін з сытнай малочна-мясной мачанкай. Наша страва стала візітнай карткай Смаргоні, – распавяла повар кафэ «Праванс» Алена Лукашэвіч.
– Кожны дзень прыязджаем абедаць у гэта месца. Тут вельмі смачна гатуюць, па-хатняму. Часцей бяру беларускія стравы, бліны з тварагом, боршч. Тут вялікае і разнастайнае абедзеннае меню, – падзялілася наведвальніца кафэ Алеся.
Анжэла ЧАБАТОРОВА
Фота аўтара
Теги: общество Кожная пятніца – роднае сваё