▶️ "Өфө уттары" тапшырыуы көн һайын, дүшәмбенән йомаға тиклем, 20 сәғәт 10 минутта эфирға сыға.
"Һандуғастай моңло тауыш!.. һәм еңел булмаған яҙмыш..." Венера Рәхмәтуллина тигән йырсының һирәк осрай торған сағыу ҙа, һандуғастай моңло ла тауышын оҡшатмаған кеше һирәктер. Уның ниндәй талантлы артистка икәнен дә барыһы белә. Ҡасан ғына Өфөләге бер концерт та унһыҙ үткәрелмәй торғайны, тиһәк, хата булмаҫ. Рәсми саҡырылыу буйынсамы, халыҡ артистары араһындамы, Башҡорт дәүләт филармонияһындамы – Венера Рәхмәтуллинаның башҡарыу оҫталығына хайран ҡалмау мөмкин түгел ине. Йондоҙ булып ятлап сәхнә түрҙәрен яҡтыртҡан йырсы оҙаҡ йылдар шулай бик уңышлы эшләгәндән һуң ҡапыл юҡ булыуына күптәр аптырашта ҡала. Ҡайҙа булды һуң беҙҙең Венера, тигәндәр өсөн ул бына тағы ла яҙғы ҡояш нурындай яҡты сибәр йөҙө, ҡарашы, моңло тауышы менән ҡыуандырып баш ҡала концерттарын биҙәргә тора.
Башҡортостандың атҡаҙанған артисы Венера Рәхмәтуллина юбилей тамашаһына ең һыҙғанып әҙерләнеүе, хәләл ефете, айырылғыһыҙ ижадташ дуҫы — ҡурайсы Рушан Биктимеров һәм ҡәҙерле ҡыҙы Айзифа менән бәхетле ғүмер итеүҙәре, шулай уҡ тормош фәлсәфәһе, өлөшөнә төшкән еңел булмаған яҙмышы, йырлау-йәшәү хаҡында уйланыуҙары хаҡында беҙ "Өфө уттары" тапшырыуында 3 февраль кисендә әңгәмәләштек. Эфир яҙмаһын һеҙҙең иғтибарға тәҡдим итәбеҙ.
▶️ Смотрите видео
--------------------------
Поделитесь Вашим мнением о событиях, происходящих в Уфе и Башкирии! Присоединяйтесь к нашему каналу Башкортостан 24 в Дзене!
Мы предлагаем Вам актуальные новостные сюжеты, а также свежие выпуски передач, производимые холдингом ГТРК «Башкортостан».