🔺 Bugun Yaponiyaning “Yakuzemi Information Education Center” konsalting kompaniyasi delegatsiyasi Toshkent davlat tibbiyot universitetiga tashrif buyurdi.
➡️Tashrifdan ko‘zlangan asosiy maqsad — nevrologiya va neyroreabilitatsiya yo‘nalishlarida xalqaro tajribani o‘rganish, ta’lim va ilmiy-amaliy hamkorlikni kengaytirish, shuningdek, reabilitatsiya xizmatlarini takomillashtirish bo‘yicha istiqbolli loyihalarni muhokama qilishdan iborat.
🔺Uchrashuv davomida tomonlar zamonaviy reabilitatsiya yondashuvlarini ta’lim jarayoniga joriy etish, malaka oshirish dasturlarini tashkil etish hamda klinik protokollarni ishlab chiqishda xalqaro tajribani qo‘llash masalalarini muhokama qildilar. Mazkur hamkorlik sog‘liqni saqlash tizimida neyroreabilitatsiya xizmatlari sifatini oshirishga xizmat qilishi ta’kidlandi.
✈️Tashrif yakunida tomonlar o‘zaro manfaatli hamkorlikni rivojlantirish, qo‘shma ilmiy loyihalar va ta’lim dasturlarini amalga oshirish bo‘yicha kelishuvlarga erishdilar.
✅Rasmiy sahifalarimiz:
Telegram | Facebook | Instagram | YouTube | X | LinkedIn
