«Кинилэр Кыайыыны уһансыбыттара» кинигэ сүрэхтэннэ
Маннык ааттаах дьоһун кинигэни Тиит Арыы нэһилиэгэ таһааран субуотаҕа бар-дьонугар билиһиннэрдэ. Бу күн үгүс кэрэ тыл кинигэни бэлэмнээн таһаарбыт нэһилиэк бочуоттаах олохтооҕор, педагогическай үлэ бэтэрээнигэр Галина Белыхха, Чкаловтааҕы бибилэтиэкэ сэбиэдиссэйигэр Раиса Степановаҕа, күүс-көмө буолбут общественниктарга ананна.
Нэһилиэк баһылыга Григорий Лукин Тиит Арыыга кэлин 15 сыл иһигэр историябытыгар сыһыаннаах 18 дьоһун кинигэ тахсыбытын аҕынна уонна бу үтүө дьыалыны сүнньүнэн көҕүлээбит Раиса Семеновна Степановаҕа үөрүүлээх быһыыга-майгыга Тиит Арыы нэһилиэгин Бочуоттаах олохтооҕо аата иҥэриллибитин туһунан иһитиннэрэн туран дастабырыанньаны, анал бэлиэни, махтал суругу туттарда. Эҕэрдэлиэҕиҥ!
Сиhилии: https://ханаласгазета.рф/69663-2/
Людмила Аммосова, ааптар уонна Степан Саввин хаартыскаҕа, видеоҕа түһэриилэрэ.
