Ўзбекистонда аҳоли ва қишлоқ хўжалигини рўйхатга олиш жараёни икки босқичда ўтказилмоқда. Биринчи босқич 2026 йил 15–31 январь кунлари census.stat.uz портали орқали онлайн шаклда амалга оширилди. Дастлабки маълумотларга кўра, атиги 17 кун ичида мамлакатдаги хонадонларнинг 82,3 фоизида яшовчи 30 миллиондан ортиқ фуқаро онлайн рўйхатдан ўтди. Бу кўрсаткич МДҲ давлатлари орасида энг юқори натижалардан бири сифатида қайд этилмоқда. Онлайн босқичда қатнашмаган ёки саволномани хато тўлдирган фуқаролар учун иккинчи босқич 4–28 февраль кунлари ўтказилади. Бу даврда маҳалла вакиллари уйма-уй юриб, маълумотларни планшетлар орқали тизимга киритишади. Каналимизга обуна бўлинг ва энг сўнгги янгиликларни кузатиб боринг Jizzaxnews |Тelegram | Facebook | Dzen | YouTubе