“Добро.Центр” үҙәге изгелек өләшә
Дәүләкәндәр МХО яугирҙәренә даими ярҙам итә.
Дәүләкән районының “Добро.Центр” үҙәге ирекмәндәре халыҡ менән фәһемле осрашыу үткәрҙе, сараға килгәндәрҙән гуманитар ярҙам да ҡабул итте. Тупланған әйберҙәр яугирҙәребеҙгә алып барыласаҡ.
Ғөмүмән, дәүләкәндәр махсус хәрби операция биләмәһендәге хәрбиҙәргә даими ярҙам итә: улар райондағы гуманитар ярҙам йыйыу үҙәге булған, республикабыҙҙа тәүгеләрҙең береһе булып ойошторолған штабҡа аҙыҡ-түлек, Ватан һаҡсыларына кәрәкле әйберҙәр тапшыра. Ғәҙәттә, окоп шәмдәре, йөрәк йылыһы ҡушылып бәйләнгән ойоҡбаш-бирсәткәләр, өй һалмаһы һәм башҡа бихисап кәрәк-яраҡ килтерәләр.
Әйткәндәй, Дәүләкән районында гуманитар ярҙамды түбәндәге адрес буйынса килтерергә мөмкин: Дәүләкән ҡалаһы, Ҡыҙыл майҙан урамы, 11-се йорт.
Сығанаҡ, фото: Дәүләкән районы хакимиәте.
Беҙҙең МАХ каналына max.ru/gazetabash... ҡушылығыҙ!
