13 подписчиков

🔺Toshkent davlat tibbiyot universitetida texnikum o‘qituvchilari uchun tashkil etilgan stajirovka jarayonlari yakunlandi

12 февраля12 фев

2 мин

🔺 Toshkent davlat tibbiyot universitetiga biriktirilgan texnikumlarni qo‘llab-quvvatlash hamda ularning pedagog kadrlarini kasbiy rivojlantirish maqsadida 1- va 2-son Respublika Abu Ali ibn Sino nomidagi jamoat salomatligi texnikumlari o‘qituvchilari uchun universitetning tegishli kafedralarida stajirovka tashkil etildi. 🔺 Ma’lumki, professional ta’lim muassasalari hamda oliy ta’lim muassasalari o‘rtasidagi hamkorlikni mustahkamlash, pedagog kadrlar salohiyatini oshirish O‘zbekiston Respublikasi hukumatining ustuvor vazifalaridan biri hisoblanadi. Mazkur yo‘nalishdagi ishlar O‘zbekiston Respublikasi Prezidentining 2024-yil 16-oktyabrdagi PF-158-son Farmonining 4.3-bandida belgilangan “Texnikumlarning rahbar va pedagog xodimlarini tegishli tashkilotlarga stajirovkaga yuborish” vazifasi asosida amalga oshirilmoqda. Shuningdek, Oliy ta’lim, fan va innovatsiyalar vazirligi huzuridagi Kasbiy ta’lim agentligiga qarashli Kasbiy ta’limni rivojlantirish institutining 2026-yil 5-yanvardagi 2

🔺Toshkent davlat tibbiyot universitetida texnikum o‘qituvchilari uchun tashkil etilgan stajirovka jarayonlari yakunlandi.

🔺 Ma’lumki, professional ta’lim muassasalari hamda oliy ta’lim muassasalari o‘rtasidagi hamkorlikni mustahkamlash, pedagog kadrlar salohiyatini oshirish O‘zbekiston Respublikasi hukumatining ustuvor vazifalaridan biri hisoblanadi. Mazkur yo‘nalishdagi ishlar O‘zbekiston Respublikasi Prezidentining 2024-yil 16-oktyabrdagi PF-158-son Farmonining 4.3-bandida belgilangan “Texnikumlarning rahbar va pedagog xodimlarini tegishli tashkilotlarga stajirovkaga yuborish” vazifasi asosida amalga oshirilmoqda. Shuningdek, Oliy ta’lim, fan va innovatsiyalar vazirligi huzuridagi Kasbiy ta’lim agentligiga qarashli Kasbiy ta’limni rivojlantirish institutining 2026-yil 5-yanvardagi 2/ich-sonli buyrug‘i hamda Toshkent davlat tibbiyot universiteti rektorining 2026-yil 5-fevraldagi 425-sonli buyrug‘i ijrosini ta’minlash doirasida tizimli ishlar olib borildi.

🔺 Jumladan, 2-son Respublika Abu Ali ibn Sino nomidagi jamoat salomatligi texnikumining maxsus fan o‘qituvchilari Xolnazarov Abdusamat Tursunovich va Djanibekova Asel Qurbon qizi,hamda 1-son Respublika Abu Ali ibn Sino nomidagi jamoat salomatligi texnikumining maxsus fan o‘qituvchisi Djuraeva Lobar Baxtiyorovna 2026-yil 2-fevraldan 12-fevralga qadar Toshkent davlat tibbiyot universiteti tegishli kfedralarida 10 kunlik stajirovka o‘tadilar.

🔺Stajirovka jarayoni universitetning Tibbiy reabilitologiya, xalq tabobati va jismoniy tarbiya, Akusherlik va ginekologiya, 1-son umumiy va bolalar xirurgiyasi, Mikrobiologiya, virusologiya va immunologiya, Atrof-muhit gigiyenasi hamda Gistologiya va tibbiy biologiya kafedralarida tashkil etildi. Yakuniy hisobotlar Hududiy ta’lim muassasalari va texnikumlar bilan ishlash bo‘yicha prorektor S.R.Baymakov boshchiligida kafedralarning hamkorlik uchun mas’ul xodimlari ishtirokida qabul qilindi.

🔺Stajirovkani muvaffaqiyatli yakunlab, hisobotlarini topshirgan o‘qituvchilar Toshkent davlat tibbiyot universiteti rektorining tegishli sertifikatlari bilan taqdirlandilar.

🔺Mazkur hamkorlik texnikumlarda ta’lim sifatini yanada oshirish, pedagoglarning kasbiy mahoratini rivojlantirish hamda malakali va raqobatbardosh mutaxassislar tayyorlashga xizmat qiladi.

💠Rasmiy sahifalarimiz: