Ураза аена бүгеннән әзерләнә башлыйк Изге ай башланырга да аз гына вакыт калды. Аны җиңлерәк үткәрү өчен бүгеннән шушы гади кагыйдәләрне үти башларга киңәш итәбез.
*Кояш баегач ашамагыз.
*Ипләп җиңелчә ризыкка күчегез, ак оннан әзерләнгән, тозлы, майлы, шикәрле ризыкларны киметеп, җимеш-җиләккә, яшелчәләргә өстенлек бирегез.
*Азыкны күбрәк суда, парда пешеререгә тырышыгыз.
*Су эчү нормасын җайга салыгыз.
*Организмны тулысынча тазартсагыз яхшы булыр.
*Күптән башкарылырга тиеш булып та, кул тимәгән эшләрне аткарып куегыз.
*Өегезне җыештырыгыз, кирәксез, чүп булып яткан әйберләрдән котылыгыз, киемнәрегезне, урын-җир кирәк-ярагын юып алыгыз.
*Сәхәр, ифтар өчен кирәк булачак азык-төлекне – яшелчәне турап, кыргычтан үткәреп, пилмән, манты, фарш һ.б. – әзерләп, туңдырырга куегыз.
*Ураза мәленә алдан меню төзү дә яхшы булыр.
*Салават китапларын, сәхәр, авыз ачу, намаз вакыты китерелгән календарны алдан әзерләп салып куегыз.
https://bashgazet.ru/articles/iman/2026-01-25/ura-a-a-erl-n-bashlayy-4549672