Дагъыстанны Халкъ Жыйынында муниципалитетлени сайлангъан башчылары булан ёлугъув оьтгерилген. Онда Бабаюрт районну башчысы Шагьмурат Истанбулов да ортакъчылыкъ этген.
Чара ДР-ны Халкъ Жыйыныны Ёлбашчысыны биринчи орунбасары Юрий Левицкий ва Ёлбашчысыны орунбасары Сайгидагьмад Агьмадов булан оьтгерилген.
Шагьмурат Истанбулов башгъа муниципалитетлени (Къызлар шагьарны, Дербент, Гьайдакъ ва Магьарамгент районланы) башчылары булан бирге оьз ерлерини жамият-экономика якъдан оьсювюню аслу гётерди масъалаларын . Хас аскер гьаракатны ортакъчыларына ва оланы агьлюлерине этилеген кёмекге айрыча тергев этилген. Шо уьлкени къорувчуларыны гьакъында гьай этив ва жамият жаваплылыкъ нечик агьамиятлы экенни гёрсете.
Бабаюрт районну башчысы Шагьмурат Истанбулов муниципалитетде милли ва регион проектлени яшавгъа чыгъарыв масъалагъа тергев этген. Ондан къайры, яшавлукъ-коммунал хозяйствону ва жамият тармакъны оьсдюрюв масъалаларына къаралгъан. Шо районну халкъыны яшавуну даражасын гётермек учун аслу борчлар болуп токътай.
