Саҡмағош районының 12 мәктәбе ҡорамалдар алған
Хеҙмәт буйынса оҫтаханалар яңыртылған. Ағас эшкәртеү менән шөғөлләнеү өсөн яңы варианттар, көйҙөрөп һырлау ҡорамалдары һәм ҡатмарлыраҡ эштәрҙе башҡарырға мөмкинлек биргән лазер станоктары һатып алынған. Теген кабинеттарында заманса тегеү машиналары ҡуйғандар, әйберҙәрҙе кейеп ҡарау өсөн манекендар һатып алынған.
2025 йылда «Йәштәр һәм балалар» милли проектын (национальный проект «Молодежь и дети») тормошҡа ашырыу барышында Саҡмағош районының 12 мәктәбе яңы ҡорамалдар алған. Был хаҡта Саҡмағош районы муниципаль район хакимиәтенән хәбәр иттеләр.
Белгестәр мәктәптәрҙәге хеҙмәт кабинеттарын йыһазландырыуҙы һәм башланғыс хәрби әҙерлекте яңыртҡан. Һөҙөмтәлә «Хәүефһеҙлек һәм Ватанды һаҡлау нигеҙҙәре» кабинеттары үҙгәреш кисергән. Практик дәрестәр өсөн мәктәптәргә Калашников автоматтарының һәм Макаров пистолеттарының макеттары, тренажер-гранаталар, һаҡлағыс костюмдар һәм противогаздар килтерелгән. Беренсе ярҙам күнекмәләрен өйрәтеү өсөн яралар имитаторҙары һатып алынған.
Шулай уҡ хеҙмәт буйынса оҫтаханалар яңыртылған. Ағас эшкәртеү менән шөғөлләнеү өсөн яңы варианттар, көйҙөрөп һырлау ҡорамалдары һәм ҡатмарлыраҡ эштәрҙе башҡарырға мөмкинлек биргән лазер станоктары һатып алынған. Теген кабинеттарында заманса тегеү машиналары ҡуйғандар, әйберҙәрҙе кейеп ҡарау өсөн манекендар һатып алынған.
«Бындай ҡорамалдар балаларға дәреслектәр артында ултырырға ғына түгел, ә ир-егеттәр һәм ҡатын-ҡыҙҙар һөнәрҙәрен үҙләштереп, барыһын да үҙ ҡулдары менән һынап ҡарарға мөмкинлек бирә. 2026 һәм 2027 йылдарҙа һәр уҡыусының иң яҡшы ҡорамалдарҙы ҡулланып уҡыу һәм үҙ һәләттәрен үҫтереү мөмкинлеге булһын өсөн мәктәп кабинеттарына ҡорамалдар һатып алыуҙы дауам итәсәкбеҙ», - тине Саҡмағош районының мәғариф бүлеге мөдире Илнур Нәсибуллин.
«Йәштәр һәм балалар» милли проекты таланттарҙы үҫтереү һәм йәштәрҙең үҙ-үҙҙәрен күрһәтә алыуы өсөн мөмкинлектәр булдырыуға йүнәлтелгән. Милли проект үҙәгендә – мәктәптәр төҙөү һәм ремонтлау, педагогтарҙың квалификацияһын күтәреү, белем биреү өсөн яңы алымдар һәм уңайлы шарттар булдырыу. Милли проект шулай уҡ донъя кимәлендәге кампустар селтәрен үҫтереүҙе һәм «Өҫтөнлөк 2030» программаһы буйынса юғары уҡыу йорттарына булышлыҡ итеүҙе күҙ уңында тота.
Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.
Фото: gtrkrb.ru
Беҙҙең МАХ каналына https://max.ru/gazetabashkortostan ҡушылығыҙ!