ЛЮБОВЬ ЛОДЫГИНА. Муслун. Висьт. ...Кор нылыс быдмыштіс повзьӧдліс мускуасьӧмысь...

Автор Любовь Лодыгина.

Муслун .

Висьт.

Коми нывъясӧс кызвын бать-мамныс быдтісны стрӧга. Со и Сандраӧс батьыс кулӧм бӧрын мамыс стрӧга видзіс.

Велӧдіс эськӧ церковно-приходскӧй школаын. Но, ёнджыкасӧ велӧдіс горт гӧгӧр уджӧ: печкыны, первой кудель, сэсся нин баля нигӧн, «нигӧнсьыд вед кепысьыд муса мамкодь» - шуліс сійӧ.

Унаӧн кепысьтӧ кылісны и узорӧн, а мамным прӧстӧй кепысь. Уджалан кепысьтӧ чорыд вурунысь, а дзолюкъяслы нигӧнысь.

Велӧдіс и мӧстӧ лысьтыны и ыжтӧ шырны да и чӧскыд нянь пӧжавны.

Кор нылыс быдмыштіс повзьӧдліс мускуасьӧмысь. А нылыслӧн эз и вичмы кадыс мусукасьны. Первой эня-ныла ноксисны аслас кӧзяйствоӧн.

Кык мӧстӧ да кык вӧвтӧ колӧ вӧлі вердны. Вӧлыд оз на зӧртӧгыд ов. Сідзкӧ колӧ на зӧртӧ быдтыны да кужӧмӧн босьтны.

Сэсся колкозъяс лоины, пионер да комсомол чукӧръяс. Медводдза радейтчӧмыс Сандралӧн артмис нин кызь квайт аросӧн юркарса партийнӧй школаын велӧдчигӧн.

Но, мусукыскӧд мунны эз и лэдзны. Мӧдӧдісны партийнӧй путёвка кузя.

Кадыд тай ӧдйӧ мунӧ, и со нин Сандралы комын арӧс. Мукӧд ныв ёртъяслӧн дас кык арӧса челядь нин. Тшӧтш окота нин кодӧскӧ лелькуйтны-быдтыны.

Мужичӧй улов кыз выныс гӧтыра, а мукӧдыс Армияын.

Ӧтчыд сиктӧ йӧв ньӧбны локтӧмаӧсь кык роч том морт. Ӧтарыс синсӧ эз и лэдзлыв Сашук вылысь, быттьӧ сибдыс. Дерт, тӧдчис, мый зэв томиник морт. Вӧлӧмкӧ квайт арӧсӧн том.

Еджговгӧрд юрсиа, лӧз синма, кузьиник тушаа. Со и решитчис нылыд сысянь, Ванюшсянь, кагатӧ вайны.

Мыйӧн кынӧмыс кутіс быдмыны зонтӧ вӧтліс. Мӧвпалыс, мый вывті том да бать вылі оз туй.

А во мысти Сандралы «назло» сійі овмідчис недыр кежлӧ мӧд ныв дінӧ. Но, сыкӧд олӧмсӧ эз йит. Век кокыс кыскис Сандра кильчӧ дорӧ.

Регыд заводитчис Великӧй Отечественнӧй война и том мужичӧйӧс босьтісны фронт вылӧ. Но, мый сэсся татчӧ шуан: юрсӧ пуктіс Родина дорйигӧн.

Колисны кык ань.

Сандралӧн котраліс ичӧтик лӧз синма нылук, а Ӧдялӧн лӧз синма ичӧтик пиук.

Чоя-вока ӧта-мӧднысӧ эз аддзывны во нелямын.

Но, олӧма нин Сандралы окота лои локны чужан сиктас, кӧні батьт-мамыслӧн шойнаыс.

Внучкаыс казяліс, мый кор Василей дядь прӧйдитліс ӧбед вылӧ либо уджвылысь локтіс ыджыд мамыс век дзоргис ӧшиньӧд.

Сэсся и мамыс кутіс видзідны.

Тайнасӧ восьттіс Агни тьӧтка: тайӧ мамыдлӧн вок.

А Ыджыд мамныд видзӧдӧ, сы вӧсна мый Василейлы дзик ляскӧма чужӧмсӧ Иван батьыс.

Чужӧмыс сылы рӧднӧй да муса.

30.01.2026 во

Любовь Лодыгина