Бугун аҳоли ва қишлоқ хўжалигини рўйхатга олиш тадбирининг биринчи босқичи — онлайн рўйхатдан ўтишнинг иккинчи куни бошланмоқда.
Бу муҳим жараёнга барча юртдошларимиз жиддий эътибор қаратиб, онлайн рўйхатдан ўтишда фаоллик кўрсатишди.
Саволномадаги барча саволларга тўғри жавоб бериш, айниқса, қишлоқ хўжалигига оид маълумотларни яширмасдан ва тўлиқ кўрсатиш — рўйхатга олиш натижаларининг аниқ, ишончли ва сифатли бўлишини таъминлайди.
Шу ўринда яна бир бор эслатиб ўтамиз: агар маълумотлар тўлиқ ёки аниқ кўрсатилмаса, 4–28 февраль кунлари рўйхатга олувчилар сизнинг хонадонингизга бориб, маълумотларни қайта аниқлаштиришларига тўғри келади.
Ҳурматли юртдошлар! Тўғри ва тўлиқ маълумотлар билан юртимиз равнақига ва ўз келажагимизга ҳисса қўшайлик.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
