📷 У Нацыянальнай бібліятэцы Беларусі адкрыецца выстава гродзенскай фатографкі Наталлі Дораш
У лютым у Мінску плануецца выстава фотаздымкаў гродзенскай фатографкі Наталлі Дораш, якая памерла летась. Пра адкрыццё выставы напісаў дырэктар выдавецтва «Рыфтур» («Планета Беларусь») Сяржук Паляшук.
Фатаграфіяй Наталля Дораш захапілася яшчэ ў юнацтве і звязала з ёй усё сваё прафесійнае жыццё. З 1970-х гадоў яна працавала фотакарэспандэнткай у газетах, была ўдзельніцай народнага фотаклуба «Гродна», неаднаразова перамагала ў беларускіх і міжнародных фотаконкурсах. Яе серыя «Паства» заняла другое месца ў конкурсе «Прэс-фота Беларусі 2011».
Фотаздымкі Наталлі Дораш таксама выкарыстоўваліся як ілюстрацыі да кнігі нямецкага гісторыка Фелікса Акермана «Гісторыя Гародні (1919–1991). Нацыяналізацыя, вынішчэнне і саветызацыя сярэднееўрапейскага места».
Дораш памерла ў кастрычніку 2025 года.
Чытайце таксама:
🤩 Памерла гродзенская фотографка Наталля Дораш
🤩 «Ахоўнікі гісторыі». Чым займалася Наталля Дораш і чаму яе фатаграфіі — важныя для Гродна
🤩 Наталія Дораш: «Пані фатографка – толькі так сябе і адчуваю»
