Шу йылдан башлап «Гиччи агробизнесни оьсдюрюв» деген федерал проект ишлеп башлай. 2026-нчы йылны бюджетинде шогъар 14 миллиард манат гёз алгъа тутулгъан. Дагъы да 730 миллион «Агротуризм» программаны узатывгъа бакъдырылажакъ. Якълав юртланы инфраструктурасына да тиежек: Пачалыкъ юртлардагъы экмек биширеген ерлени къурулушуна субсидиялар берип башлажакъ. Айырылгъан бир бёлюк — энергияны сакълав. Гиччи бизнесге газ-поршен установкаланы сатып алыв учун этген харжланы 60%-не ерли къайтарылажакъ. Бу токгъа ва иссиликге этилеген харжланы аз этмеге имканлыкъ бережек. Мундан къайры да, биринчилей гьукумат якълавну агроагрегаторлар — фермер ашамлыкъ малланы сатып алагъан, ишлейген ва сатагъан кооперативлер алажакъ. Олагъа фермерлерден маллар сатып алывгъа харжлангъан акъчаны бир бёлюгю къайтарылажакъ. 2026-нчы йылгъа агротуризмни оьсдюрюв булан байлавлу 56 проект сайлап алынгъан, шоланы арасында еттиси - Дагъыстанныки.