Ўзбекистон Франциянинг энг йирик сайёҳлик кўргазмаси ҳамкори бўлади
Ўзбекистон 15-17 сентябрь кунлари Парижда ўтказиладиган “IFTM Top Resa – 2026” халқаро сайёҳлик кўргазмасининг ҳамкор мамлакати деб эълон қилинди. “Country of Honor” фахрий мақомининг берилиши Ўзбекистоннинг жаҳон туризм йўналишидаги имиджи ортиб бораётганини кўрсатади.
“IFTM Top Resa” - Франциянинг энг йирик сайёҳлик кўргазмаси бўлиб, туризмнинг барча йўналишларини ўз ичига олади. Кўргазма ҳар йили минглаб соҳа мутахассисларини тўплайди ва ҳамкорлик алоқаларини ўрнатиш ҳамда тажриба алмашиш учун Европанинг етакчи сайёҳлик майдончаларидан бири саналади.
Ўзбекистоннинг ҳамкор мамлакат сифатида иштироки унга кўргазманинг ишбилармонлик ва медиа дастурида марказий ўринни эгаллаш имконини беради.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
