Беҙҙең мәҙәниәттән ҡулығыҙҙы алығыҙ!
Ә юлдарҙа хәл яҡшыра.
Был аҙнала ялған яҙыу менән шөғөлләнгән баҫмалар республиканың мәҙәниәт тармағына һәм шәхсән министр Әминә Шафиҡоваға бәйләнеп маташты. “Однажды в башкирии” телеграм-каналы үҙҙәрендә булған бөтә фантазияны эшкә екте – “Алтын битлек” лауреаттары һәм театр етәкселеге хоҡуҡтарында ҡыҫырыҡлана, ә мәрхүм дирижер Рөстәм Сөләймәновты Мәҙәниәт министрлығы республиканан китергә мәжбүр итә. Һәр саҡтағыса, “Фактчекинг по-башкирски” телеграм-каналы ысынбарлыҡҡа күҙҙе асты.
“Пруфы” Башҡорт дәүләт академия опера һәм балет театрының баш рәссамы Иван Складчиковҡа “Башҡортостандың халыҡ артисы” исеме бирелеүен, ә яңыраҡ “Алтын битлек” премияһын алған артистар – Любовь Буторина менән Сергей Бикбулатов “әлегә тиклем республиканан бындай наградаларға лайыҡ түгел һәм үҙ сиратын шым ғына көтә” тип белдерҙе.
Улар ике артистың да республиканың башҡа юғары маҡтаулы исемдәрен алыуын “онотҡан”. Любовь Буторинаға 2020 йылда “Башҡортостандың атҡаҙанған артисы” исеме бирелә, ә Сергей Бикбулатов был исемгә 2021 йылда лайыҡ була.
М. Ғафури исемендәге Башҡорт дәүләт академия драма театрында етәкселек алмашыныуы тураһында ла фекерен яҙа оппозиция баҫмаһы. Имеш Мәҙәниәт министрлығы театр директоры Иршат Фәйзуллинды вазифанан “ситләткән”, был ҡарарҙы “коллектив өсөн шок” тип атайҙар. Ғәмәлдә, рәсми рәүештә хәбәр ителгәнсә, Фәйзуллин театрҙа директор урынбаҫары вазифаһында эшен дауам итә. Яңы етәксе итеп ҡуйыусы режиссер Зиннур Сөләймәнов тәғәйенләнде.
Китап байрамы фестиваленә лә эләкте. Имеш быйыл сара “бик түбән ойоштороу кимәлендә" уҙғарылды, тиҙәр. Был ни бары баҫманың субъектив баһаһы ғына, улар өсөн республикала һәр ваҡыт барыһы ла насар. Фестивалгә Рәсәй китап союзы президенты Сергей Степашин һәм “АСКИ” китап нәшриәтселәре ассоциацияһы президенты Константин Чеченев юғары баһа бирә.
Күренекле скрипкасы, дирижер Рөстәм Сөләймәновтың фажиғәле үлеме яңы һөжүмдәр өсөн тағы бер сәбәп булды.
Канал авторҙары, министрлыҡ музыкантты республиканан китергә мәжбүр итте, тип дәлилһеҙ белдерә, ә һуңынан мәҙәниәт министрының ерләүҙә булмауына баҫым яһай.
Шулай ҙа факттарға мөрәжәғәт итәйек. Әминә Шафиҡова фажиғәнән һуң шунда уҡ хисле шәхси хәтирәһен баҫтырып сығара. Тағы ла мөһимерәге – ғаиләнең позицияһы. Мәрхүмдең һеңлеһе Ләйсән Мәзитова ерләү көнөндә туғандары исеменән Мәҙәниәт министрлығына һәм шәхсән Әминә Шафиҡоваға ярҙам өсөн рәхмәт белдерҙе. Тап төбәк Мәҙәниәт министрлығы мәйетте Ялтанан алып ҡайтыу һәм хушлашыу тантанаһын ойоштороу буйынса бөтә сығымдарҙы үҙ өҫтөнә ала.
Уҙып барған аҙнала Литвала йәшәгән сит ил агенты Башҡортостан юлдарында кешеләр күпләп үлә һәм быға ҡаршы бер нимә лә эшләнмәй тигән яҙма баҫтырҙы. Бында ул республика етәкселеген ғәйепләй.
Был спекулятив раҫлауҙарға ҡаршы, Башҡортостанда юл хәле планлы эш арҡаһында ыңғай динамика күрһәтә.
Мәҫәлән, һуңғы ете йылда юлдарҙа һәләк булғандар һаны өстән бер өлөшкә кәмегән. 2018 йылдан 2025 йылға тиклем үлемесле авариялар һаны 550-нән 375-кә тиклем кәмей. Был – хәүефһеҙлекте арттырыу буйынса аныҡ саралар һөҙөмтәһе. Республикала йыл һайын 1000 километр самаһы юл ремонтлана һәм юл инфраструктураһы әүҙем үҫешә.
Үткән йылда ғына:
- 10 000 дән ашыу юл билдәһе ҡуйылған һәм алмаштырылған;
- 32 километрҙан ашыу ҡойма һәм 71 километр тротуар монтажланған;
- 265 километр яңы урам яҡтыртыув барлыҡҡа килә.
“Пруфы” баҫмаһы йәнә бер тапҡыр республикалағы хәлдәрҙе боҙоп күрһәтергә тырышты. Был юлы фәҡирлеккә ҡағылды. Ошо көндәрҙә “ПромРейтинг” тикшеренеү агентлығы, йәнәһе, Башҡортостан Рәсәй буйынса ярлылыҡ сигендә йәшәгән халыҡ һаны буйынса етенсе урынды биләй, тигән мәғлүмәт баҫтырып сығарҙы. Әммә әйҙәгеҙ ысынбарлыҡты асыҡлайыҡ.
Росстат мәғлүмәттәре буйынса, 2024 йылда Башҡортостанда фәҡирлек кимәле ни бары 7,7 процент тәшкил итә. Был 2018 йылдағы 12,2 проценттан күпкә түбәнерәк. Республика дөрөҫ йүнәлештә бара. Волга буйы федераль округында төбәк ярлылыҡ кимәле буйынса Татарстандан (3,7%), Түбәнге Новгород өлкәһенән (5,6%) һәм Удмуртиянан (6,7%) ҡалышып, дүртенсе урынды биләй. Төбәктә хәл яҡшыра.
Әгәр “ПромРейтинг” агентлығының тикшеренеүҙәренә иғтибар итһәк, улар башлыса Татарстан тураһында. Бәлки, был агентлыҡ тыуған төбәгендә эске ҡулланыу өсөн махсус аналитика эшләйҙер. Беҙ иһә объектив критерийҙарға нигеҙләнгән федераль органдарҙың рәсми мәғлүмәттәренә таянырға кәңәш итәбеҙ. Ә республикаға ҡаршы борорға мөмкин булған мәғлүмәтте эҙләү менән шөғөлләнмәгеҙ.