✨Сёння, 5 студзеня, прафесийнае свята адзначаюць сацыяльныя работнікі
✨Прымайце віншаванне ад кіраўніцтва раёна:
"Шаноўныя работнікі і ветэраны сацыяльнай службы Бешанковіцкага раёна!
Сардэчна віншуем вас з прафесійным святам!
Сацыяльнае абслугоўванне і занятасць насельніцтва, дзяржаўная падтрымка сем’яў з дзецьмі, пенсіённае забеспячэнне, папулярызацыя сямейных каштоўнасцей – гэта далёка няпоўны пералік задач, якія выконваюцца службай сацыяльнай абароны.
Дарагія сябры, ваша прафесія – адна з самых гуманных і запатрабаваных у грамадстве, яна патрабуе не толькі прафесійных ведаў і высокай кваліфікацыі, але і асаблівага душэўнага складу. Дзякуючы вашай чуласці і спагадзе людзі, якія апынуліся ў няпростай жыццёвай сітуацыі, пераадольваюць цяжкасці і знаходзяць веру ва ўласныя сілы.
Прыміце словы шчырай падзякі за штодзённую нялёгкую працу на карысць жыхароў Бешанковіччыны. Місія, якую вы выконваеце дзень за днём на працягу многіх гадоў, заслугоўвае глыбокай павагі.
Няхай ваша бязмежная адказнасць апраўдаецца шчырай удзячнасцю людзей за праяўлены да іх клопат! Жадаем усім моцнага здароўя, шчасця, міру, дабрабыту!"
Галіна УНУКОВІЧ, старшыня раённага выканаўчага камітэта.
Аляксандр ЕРАШОЎ, старшыня раённага Савета дэпутатаў.
