Паян, январӗн 1-мӗшӗнчен, Хусанта 7№ маршрутпа «Хӗл Мучин асамлă трамвайӗ» çула тухать. Çӗнӗ çула капăрлатнă çак транспортпа пассажирсем январӗн 6-мӗшӗчченех ярăнма пултараççӗ.
Çӗнӗ çул трамвайӗ çак кунсенче 16:00 сехетрен пуçласа 17:30 сехетчен çӳрет. Паллă ӗнтӗ, Хӗл Мучипе Юр Пике хăйсем те пулаççӗ салонра. Асамлă трамвайăн пассажирӗсен вӗсемпе асăнмалăх сăн ӳкерӗнме тата караоке-баттла хутшăнма май пур. Культура управленийӗ пӗлтернӗ тăрăх, трамвай унчченхи пекех маршрутăн кашни чарăнăвӗнчех чарăнать.
Асамлă трамвайăн маршручӗ:
*Чугун çул вокзалӗ,
*Серов урамӗ,
*Фатыха Амирхан проспекчӗ;
*Ветеринари Академийӗ,
*Арбузов урамӗ;
*Сахаров Академик урамӗ; Çӗнтерӳ проспекчӗ,
*«Солнечный город» пурăнмалли массив;
*Глазунов урамӗ (çак чарăнуран каялла çаврăнать).
