🥇 Псіхалагіня з Гродна Вольга Вялічка атрымала прэмію імя Алеся Адамовіча
Абвешчаныя пераможцы прэміі імя Алесь Адамовіч за 2024 год. Узнагарода ўручаецца за найлепшыя публіцыстычныя творы, апублікаваныя летась, паведамляе Telegram-канал Беларускі ПЭН.
Сёлета лаўрэатамі сталі:
🌟 Былая кіраўніца Гродзенскага дзіцячага хоспіса Вольга Вялічка — за гуманістычнае асэнсаванне беларускага турэмнага досведу з перспектывы дзяцей рэпрэсаваных бацькоў. Узнагароджаная кніга «Ад двух да пятнаццаці: Мая мама ў турме» (выдавецтва «Gutenberg Publisher»);
🌟 Наста Манцэвіч — за смеласць і суперажыванне ва ўмовах дыскрымінацыі і гвалту. Адзначаная частка кнігі «Цела таксама архіў» (выдавецтва «Пфляўмбаўм»).
🌟 Акрамя дзвюх прэмій, Рада Беларускага ПЭНа ўганаравала спецыяльнай адзнакай сайт spring96.org Праваабарончага цэнтра «Вясна» — за 25-гадовае паслядоўнае і ўсебаковае асвятленне сітуацыі з правамі чалавека ў Беларусі.
Прыядноўваемся да віншавання ўсіх намінантаў і лаўрэатаў.
