#Munosabat
«Ayollar va bolalarni himoya qilish siyosati»
O‘zbekiston Respublikasi Prezidenti Shavkat Mirziyoyevning Oliy Majlis va xalqimizqa yo‘llagan Murojaatnomasida xotin-qizlar masalasiga alohida e’tibor qaratilgani inson qadrini yuksaltirish davlat siyosatining ustuvor yo‘nalishlaridan biri ekanini yaqqol namoyon etadi.
Xotin-qizlarni hurmat qilish va ularning huquqlarini himoyalash milliy ma’naviyatning muhim tarkibiy qismi hisoblanib, ayolga bo‘lgan munosabat oila instituti hamda jamiyat barqarorligini ta’minlovchi asosiy omillardan biri sifatida namoyon bo‘ladi.
Murojaatnomada jamiyatda ayollar va bolalarga nisbatan zo‘ravonlik holatlarining mavjudligi, ushbu muammo kompleks va tizimli yechimlarni talab etishi ta’kidlandi.
Xususan, “oilaviy zo‘ravonlik faqat oilaning ichki ishi emas” degan yondashuv mazkur masalaning ijtimoiy ahamiyatga ega ekanini, unga qarshi kurashishda davlat va jamiyatning barcha institutlari mas’ul ekanini anglatadi.
Oxirgi ikki yil mobaynida ikki mingdan ortiq jinoyatchilikning aniqlangani “oilaviy zo‘ravonlik” keng tarqalayotgan ijtimoiy muammo ekanini ko‘rsatadi.
Shuningdek, respublika muvofiqlashtiruvchi kengashi faoliyatini kuchaytirish bo‘yicha berilgan topshiriq ayollar va bolalar huquqlarini himoya qilishga qaratilgan yagona va samarali institutsional mexanizmni shakllantirishga xizmat qiladi.
Xulosa qilib aytganda, Prezidentning ushbu fikrlari jamiyatimizning ma’naviy yuksalishi, oila institutini mustahkamlash va inson qadrini himoya qilish yo‘lidagi qat’iy siyosiy irodaning ifodasidir. Bu murojaat har birimizni befarq bo‘lmaslikka, ayollar va bolalar huquqlariniz himoya qilishda faol fuqarolik pozitsiyasini egallashga chorlaydi.
Dilnoza Usta-Azizova,
1-Pediatriya va XT fakulteti Xotin-qizlar masalalari bo‘yicha dekan maslahatchisi - Ijtimoiy fanlar, pedagogika va psixologiya kafedrasi dotsenti
