Кылем арняе Пермь шаерысь Бадӟым Гондырысь культура юртэ удмурт ансамбльёс люкаськизы. Татын соос понна «Новый год - пора чудес!» ужрад радъяськиз.
Пермь шаерысь Бадӟым Гондырысь «Тюрагай» но «Купанча», Барабанысь «Инвожо», Гожанысь «Пинал сюлэм», Кипчакысь «Зангари», Киргаысь «Уӵы», Урадаысь «Шулдыр ӝыт», Вуж Шагиртысь «Инвожо», Башкортостан Республикаысь Янаул ёросысь Вуж Варашысь «Югдон» ансамбльёс шулдыр пумиськон ӝыт ортчытӥзы. Лыктэм куноосты пумитаса но соосты вуоно Выль арен ӟечкыласа Пермь шаерысь удмуртъёслэн национально-культурной центренызы кивалтӥсь А.Ш. Туктагулова вераськиз.
Пумиськонэ вуэм ансамбльёс ог-огзылы яркытэсь но шулдыресь кырӟан-эктонъёссэс кузьмазы. Ужрадзы эшъяськон мылкыдъем пӧрмиз, огинэ люкаськемъёслы шумпотон кузьмаз.
Фото: Большегондырский Дом Культуры. ОО «НКЦУ» ПК
