Ўзбекистонда илк бор ОАВ вакилларига ҳайкал қўйилди
Тошкент шаҳри, Навоий кўчаси, Собиқ АОКА биноси олдида ўзбек матбуотида илк қадамларни қўйган аёл журналист Собира Ҳолдорова ва сурат орқали тарихни ёзган илк ўзбек фотографи Худойберган Девоновнинг сиймоси қад ростлади.
Бу шунчаки ҳайкал эмас, бир замонлар сўзи учун қамалган тарихнинг рамзи.
Собира Ҳолдорова 1907 йилда Наманганнинг Чуст шаҳрида, камбағал деҳқон оиласида туғилган. У қаламни танлагани учун жазоланганлардан эди.
У 1937 йилда «буржуа элементлар билан алоқага киришган, огоҳликни йўқотган» деган айблов билан қамоққа олинди. Қамоқдаги очлик, сувсизлик ва уйқусизлик унинг танасини эмас, руҳини синдиргани айтилади.
Худойберган Девонов эса 1879 йилда Хоразмда туғилган. У замонни суратга олгани учун «халқ душмани»га айлантирилган.
1936 йилда қатағонлар авжига чиққан пайтда ҳибсга олинган. 1938 йилда Янгийўлдаги сиёсий маҳбуслар лагерига жўнатилди ва 1940 йилда ўлдирилди.
Jizzaxnews |Тelegram | Facebook | Dzen | YouTubе
