Корей контенті Netflix-ті жаулап алды. «Ұлы топан су» мен «Аспаздар шайқасы» әлемдік чарттардың көшін бастады
Оңтүстік Кореяның ойын-сауық индустриясы Netflix-тің жаһандық рейтингінде бірден екі бірінші орынды иеленіп, тағы да биіктен көрінді. «Ұлы топан су» (The Great Flood) апат-фильмі мен «Аспаздар шайқасы» (Culinary Class Wars: Season 2) реалити-шоуының екінші маусымы ағылшын тілінде емес контент арасында қаралым бойынша көшбасшы атанып, корей толқынының үстем күш екенін тағы бір мәрте дәлелдеді.
19 желтоқсанда жарық көрген «Ұлы топан су» ғылыми-фантастикалық блокбастері Жердің соңғы күнінде су астында қалған көпқабатты кешенде адамдардың аман қалуы туралы баяндайды. Картина небәрі үш күннің ішінде 27,9 миллион қаралым жинап, тіпті ағылшын тіліндегі көшбасшы — «Пышақтар: Оян, өлік» (Wake Up Dead Man: A Knives Out Mystery) фильмін де басып озды. Таспа Оңтүстік Корея, Испания және Бразилияны қоса алғанда, 54 елде рейтингтің басына шықты.
Кино әлемінің тың жаңалықтары — Kinomania.kz сайтында!
