Toshkent davlat tibbiyot universitetida navbatdagi Ilmiy Kengash yig‘ilishi o‘tkazildi
Bugun Toshkent davlat tibbiyot universitetida universitetning ilmiy va akademik rivojlanishiga bag‘ishlangan Ilmiy Kengash yig‘ilishi bo‘lib o‘tdi. Mazkur yig‘ilishda ta’lim va ilm-fan sohasidagi ustuvor yo‘nalishlar, olib borilayotgan ilmiy-tadqiqot ishlarining holati hamda kelgusidagi vazifalar atroflicha muhokama qilindi.
Kengash davomida professor-o‘qituvchilar tomonidan amalga oshirilayotgan ilmiy loyihalar, innovatsion ishlanmalar va ularning amaliy natijalari tahlil qilinib, ilmiy faoliyat samaradorligini oshirishga qaratilgan takliflar bildirildi. Shuningdek, xalqaro va respublika miqyosidagi olimpiada hamda tanlovlarda yuqori natijalarga erishgan iqtidorli talabalar va yosh tadqiqotchilar alohida e’tirof etildi.
Yig‘ilishning tantanali qismida ilm-fan rivojiga munosib hissa qo‘shib kelayotgan bir guruh professor-o‘qituvchilarga professor va dotsent ilmiy unvonlarini tasdiqlovchi diplomlar topshirildi. Tadbir universitetda ilmiy salohiyatni mustahkamlash, ilmiy maktablar faoliyatini kengaytirish hamda yosh olimlarni har tomonlama qo‘llab-quvvatlash yo‘lidagi muhim bosqich sifatida baholandi.
Telegram | Facebook | Instagram | YouTube
