Bugun Toshkent davlat tibbiyot universitetida Shinjon tibbiyot universiteti delegatsiyasining tashrifi doirasida rasmiy uchrashuv bo‘lib o‘tdi.
Uchrashuv davomida tibbiyot mutaxassislarini hamkor universitet bazasida malakasini oshirish, ta’lim jarayonida tajriba almashish hamda o‘quv-uslubiy hamkorlikni rivojlantirish masalalari muhokama qilindi. Tomonlar qo‘shma loyihalar, akademik almashinuv va ilmiy-amaliy hamkorlik yo‘nalishlarida o‘zaro manfaatli aloqalarni kengaytirish muhimligini qayd etdilar.
Mazkur tashrif ikki oliy ta’lim muassasasi o‘rtasidagi hamkorlikni amaliy jihatdan mustahkamlash, tibbiyot ta’limi sifatini oshirish hamda xalqaro tajribani joriy etishga xizmat qilishi ta’kidlandi.
Ma’lumot uchun:
Shinjon tibbiyot universiteti 1956-yilda tashkil etilgan bo‘lib, an’anaviy xitoy tibbiyoti, hamshiralik, farmatsiya va boshqa yo‘nalishlarni qamrab olgan 25 dan ortiq bakalavriat dasturlariga ega. Universitetda 20 mingga yaqin talaba, jumladan 800 dan ortiq xalqaro talaba tahsil oladi. Ta’lim va amaliyotni uyg‘unlashtirish maqsadida universitet tarkibida 6 ta klinik shifoxona faoliyat yuritadi.
Telegram | Facebook | Instagram | YouTube
