Башҡортостанда 11 компания экспортҡа ярҙам итеү өсөн субсидия аласаҡ
Дәүләт ярҙамы предприятиеларға халыҡ-ара йөк ташыуға сығымдарҙың бер өлөшөн ҡапларға һәм бушаған ресурстарҙы производствоны үҫтереүгә, продукцияның сифатын яҡшыртыуға һәм яңы баҙарҙар үҙләштереүгә йүнәлтергә мөмкинлек бирәсәк.
Башҡортостандың Тышҡы иҡтисади бәйләнештәр һәм конгресс эшмәкәрлеге министрлығы сит илгә тауарҙар ташыуға сығымдарҙың бер өлөшөн ҡаплау өсөн субсидиялар биреүгә конкурс буйынса һайлап алыуға йомғаҡ яһаны.
Төбәктең 11 предприятиеһы «Халыҡ-ара кооперация һәм экспорт» (национальный проект «Международная кооперация и экспорт») милли проектын ғәмәлгә ашырыу сиктәрендә дөйөм күләме 10 миллион һумлыҡ дәүләт ярҙамын аласаҡ, тип хәбәр итә республиканың Тышҡы иҡтисади эшмәкәрлек һәм конгресс эшмәкәрлеге министрлығы.
Сара урындағы етештереүселәрҙең конкурентлыҡ һәләтен көсәйтеүгә һәм тышҡы баҙарға сыҡҡанда уларҙың логистик сығымдарын кәметеүгә йүнәлтелгән.
— Транспорт сығымдарын субсидиялау - дәүләт ярҙамының һөҙөмтәле ҡоралы, ул компанияларға, бәләкәй һәм урта эшҡыуарлыҡ субъекттарына сығымдарҙы оптималләштерергә һәм донъя баҙарында отошло шарттар тәҡдим итергә мөмкинлек бирә. Беҙҙең өсөн сеймал булмаған экспортты үҫтереү өсөн тотороҡло шарттар булдырыу мөһим, һәм был программа ошо стратегик маҡсатҡа туранан-тура эшләй, - тип һыҙыҡ өҫтөнә алды Башҡортостан Республикаһының тышҡы иҡтисади бәйләнештәр һәм конгресс эшмәкәрлеге министры Маргарита Болычева.
Бөтәһе 13 ғариза килгән, уларҙың 11-е һайлап алыуҙы үткән. Иҡтисадтың төрлө тармаҡ предприятиелары конкурс еңеүселәре булған, был Башҡортостан экспортының диверсификацияһын раҫлай.
Дәүләт ярҙамы предприятиеларға халыҡ-ара йөк ташыуға сығымдарҙың бер өлөшөн ҡапларға һәм бушаған ресурстарҙы производствоны үҫтереүгә, продукцияның сифатын яҡшыртыуға һәм яңы баҙарҙар үҙләштереүгә йүнәлтергә мөмкинлек бирәсәк.
Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.
Беҙҙең МАХ каналына max.ru/gazetabash... ҡушылығыҙ!