Һанлы хеҙмәттәр күрһәтеләсәк
Ауылдаштарҙың һаулығын фельдшер Елена Давыдова хәстәрләйәсәк. Ул – “Ауыл табибы” программаһында ҡатнашыусы медицина хеҙмәткәре.
Белорет районының Бирҙеғол ауылында, ”Оҙайлы һәм әүҙем тормош” милли проектына ярашлы, яңы модулле фельдшер-акушерлыҡ пункты асылды.
Яңы медицина пункты 129 кешене хеҙмәтләндерәсәк, шул иҫәптән 17 баланы. Модулле ФАП тейешле ҡорамалдар һәм йыһаздар менән тәьмин ителгән. Бында ҡабул итеү, процедура кабинеттары, дарыуҙар һаҡлау бүлмәһе урынлаштырылған. Быға тиклем медицина пункты ауыл клубында эшләне, санитар талаптарға тулыһынса яуап бирмәне.
Ауылдаштарҙың һаулығын фельдшер Елена Давыдова хәстәрләйәсәк. Ул – “Ауыл табибы” программаһында ҡатнашыусы медицина хеҙмәткәре. Яңы ФАП та һанлы хеҙмәттәр күрһәтеләсәк, медицина ярҙамы сифаты күпкә яҡшырасаҡ.
“Оҙайлы һәм әүҙем тормош” проекты (нацпроект “Продолжительная и активная жизнь”) “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта ҡалған төбәктәр һәм ауылдар аласаҡ. Милли проект һаулыҡ һаҡлауҙың тәүге звеноһын артабан яңыртыуға йүнәлтелгән, йөрәк-ҡан тамырҙары, онкология һәм диабет сирҙәре менән көрәш буйынса федераль программалар ҙа дауам итәсәк.
Тап ошо мөһим милли проект 2030 йылға көтөлгән ғүмер оҙайлығын 78 йәшкә (артабан 80 йәшкә) тиклем еткереүҙе күҙ уңында тота. Рәсәй Президенты Владимир Путин ҡарары буйынса яңы милли проект 2025 йылдың 1 ғинуарынан тормошҡа ашырыла.
Беҙҙең МАХ каналына https://max.ru/gazetabashkortostan ҡушылығыҙ!
Фото: Һаулыҡ һаҡлау министрлығының матбуғат хеҙмәте.