Миәкәнең гүзәл зат вәкилдәренә шәп бүләк яһанылар
Тотош ил буйлап әүҙем оҙон ғүмерлелек тәжрибәләре тормошҡа ашырыла. Тулыраҡ - түбәндәге яҙмала:
Ҡырғыҙ-Миәкәлә ҡатын-ҡыҙҙар консультацияһын астылар. Медицина ойошмаһы ультратауышлы сканер һәм феталь монитор менән тәьмин ителгән. Һөҙөмтәлә табиптар яралғы торошон күҙәтә, ҡан баҫымын үлсәй һәм электрокардиограммалар эшләй ала. Бынан тыш, ойошмала медицина-социаль һәм бала табыу алдынан психопрофилактик ярҙам кабинеттары йыһазландырылған.
Ҡатын-ҡыҙҙар консультацияһы Ҡырғыҙ-Миәкә ауылындағы үҙәк район дауаханаһында асылды. Был Рәсәй Президенты Владимир Путиндың “май” указдарына ярашлы барлыҡҡа килгән “Ғаилә” (национальный проект “Семья”) бурыстарын тормошҡа ашырыу һөҙөмтәһендә мөмкин булды. Ошо хаҡта Миәкә районы хакимиәтенән хәбәр иттеләр.
“Районыбыҙҙағы барлыҡ ҡатын-ҡыҙҙар өсөн был консультацияның асылыуы ғына түгел, шулай уҡ күптәнге хыялдың тормошҡа ашырылыуы ла ул. Бында һәр ҡатын уңайлы, заманса шарттарҙа юғары квалификациялы медицина ярҙамын алыу мөмкинлегенә эйә. Ҡатын-ҡыҙҙар сәләмәтлеге – абсолют өҫтөнлөк. Һәм ҡатын-ҡыҙҙар консультацияһының асылыуы күп ғаиләләр өсөн стимул була ала”, - тине муниципалитет етәксеһе Наил Ғүмәров.
“Ғаилә” милли проекты (национальный прогект “Семья”) балалары булған ата-әсәләргә ғәмәлдәге ярҙам сараларын берләштерә: әсәлек капиталы түләнә, икенсе, өсөнсө һәм артабанғы бәләкәстәрҙең тыуыуы өсөн өҫтәмә дәртләндергес саралар булдырыла. Тотош ил буйлап әүҙем оҙон ғүмерлелек тәжрибәләре тормошҡа ашырыла. 14-тән 22 йәшкә тиклемге йәштәргә музейҙарға, театрҙарға, кино залдарына һәм башҡа мәҙәниәт ойошмаларына бушлай барыу мөмкинлеген биргән “Пушкин картаһы” ғәмәлдә. Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.
Сығанаҡ: Миәкә районы хакимиәте, фото: “Башҡортостан” ДТРК-һы.
Беҙҙең МАХ каналына https://max.ru/gazetabashkortostan ҡушылығыҙ!