Թուրքիայի խորհրդարանում ծեծկռտուք է տեղի ունեցել ԱԶԿ-ի և ՀԺԿ-ի պատգամավորների միջև

Բյուջեի քվեարկությունից հետո Թուրքիայի Ազգային ժողովում ծեծկռտուք է տեղի ունեցել իշխող «Արդարություն և զարգացում» կուսակցության (ԱԶԿ) և ընդդիմադիր Հանրապետական ​​ժողովրդական կուսակցության (ՀԺԿ) պատգամավորների միջև, հաղորդել են թուրքական լրատվամիջոցները։

Դեպքը տեղի է ունեցել 2026 թվականի բյուջեի և 2024 թվականի բյուջեի կատարման մասին օրենքների ընդունումից հետո, որոնք հաստատվել են 320 կողմ և 249 դեմ ձայների հարաբերակցությամբ։

Լրատվամիջոցների հաղորդագրությունների համաձայն՝ լարվածությունը սկսվել է այն բանից հետո, երբ ՀԺԿ խորհրդարանական խմբակցության փոխնախագահ Մուրատ Էմիրը մոտեցել է ԱԶԿ պատգամավոր և Թուրքիայի արդյունաբերության և տեխնոլոգիաների նախկին նախարար Մուստաֆա Վարանքին։ Մյուս պատգամավորները արագ միջամտել են, որից հետո բանավոր վեճը վերածվել է ծեծկռտուքի։ Նիստը խափանվել է։

Նորություններին հետևեք մեր կայքում, ինչպես նաև Telegram-ում և YouTube-ում