Бөрөлә һыу үткәргес селтәрҙәрен капиталь ремонтлау тамамланды
Был стратегик мөһим объект туранан-тура ҡала халҡының 54 проценты өсөн коммуналь хеҙмәттәр сифатын яҡшырта, ә был 24326 кеше тигән һүҙ.
Бөрө ҡалаһында ”Тормош өсөн инфраструктура” милли проектының (национальный проект “Инфраструктура для жизни”) “Коммуналь инфраструктураны яңыртыу” федераль проекты сиктәрендә һыу менән тәьмин итеү селтәрҙәренә капиталь ремонт ваҡытынан алда һәм тулы күләмдә тамамланды, тип хәбәр иттеләр республиканың Торлаҡ-коммуналь хужалыҡ министрлығынан.
Был стратегик мөһим объект туранан-тура ҡала халҡының 54 проценты өсөн коммуналь хеҙмәттәр сифатын яҡшырта, ә был 24326 кеше тигән һүҙ. Бөрөнөң төньяҡ-көнбайыш районында проект ике этапҡа бүленгән, был халыҡ өсөн уңайһыҙлыҡтарҙы кәметергә һәм ҡала инфраструктураһының байтаҡ өлөшөн эҙмә-эҙлекле яңыртырға мөмкинлек биргән.
— Бындай күләмле объектты тамамлау – республикала үткәрелгән коммуналь хужалыҡты яңыртыу сәйәсәтенең һөҙөмтәлелегенең сағыу күрһәткесе. Тормош сифатын яҡшыртыу тураһында һүҙ йөрөткәндә, беҙ Бөрөгә оҡшаш аныҡ проекттарҙы күҙ уңында тотабыҙ. Был системалы эш тиҫтәләрсә мең кеше өсөн үлсәү һөҙөмтәһе бирә, — тип белдерҙеләр республиканың Торлаҡ-коммуналь хужалыҡ министрлығында.
Эштәр һыу менән тәьмин итеү системаһының бөтә элементтарын үҙ эсенә ала. 8 771,5 метр төрлө диаметрлы яңы полиэтилен торбалар һалына, был магистралдәрҙең ышаныслылығын һәм оҙайлылығын тәьмин итә. Селтәр менән идара итеүҙе яҡшыртыу өсөн 28 япҡыс ҡуйылған. Шулай уҡ белгестәр 115 тимер-бетон ҡоҙоҡто ремонтлай, 28 һыу айырғыс колонка һәм 35 янғын һүндереү гидранты ҡуя, был халыҡ өсөн уңайлылыҡты һәм райондың хәүефһеҙлек кимәлен арттыра.
Әлеге ваҡытта сараны тормошҡа ашырыу тулы күләмдә тамамланған. Был планлаштырылған бөтә эштәр башҡарылған, объект ҡабул ителгән һәм бөрөнөң төньяҡ-көнбайыш районы халҡы яңыртылған, ышаныслы һыу менән тәьмин итеү системаһынан файҙалана тигәнде аңлата.
Яңыртылған милли проекттар ил Президенты Владимир Путин указы менән тормошҡа ашырыла.
Фото сығанағы: БР Торлаҡ-коммуналь хужалыҡ министрлығы.