🔴Ayni damda Yangi Oʻzbekiston universitetida startap va innovatsiyalarni rivojlantirishga qaratilgan muhim tadbir — hackathonning 3-kuni, yakuniy bosqichi (Demo Day) boʻlib oʻtmoqda.
Mazkur tadbir Toshkent davlat tibbiyot universiteti hamda Yangi Oʻzbekiston universiteti hamkorligida tashkil etilgan boʻlib, yoshlarning innovatsion gʻoyalarini qoʻllab-quvvatlash va universitetlararo hamkorlikni mustahkamlashga qaratilgan.
Hackathon dasturi doirasida universitetlarda startap ekotizimini shakllantirish, talabalar va yosh tadqiqotchilar uchun yangi imkoniyatlar yaratish, shuningdek, “Pitch Smart: 5 daqiqada investorlarni qanday ishontirish mumkin” mavzusida amaliy treninglar, mentorlik mashgʻulotlari, jamoaviy ishlash jarayonlari hamda networking sessiyalar tashkil etildi.
Bugun, Demo Day doirasida ikki oliy ta’lim muassasasi jamoalari oʻz startap loyihalarini hakamlar hay’ati e’tiboriga taqdim etmoqda. Ishtirokchilar bir necha kun davomida ishlab chiqilgan innovatsion yechimlar va biznes gʻoyalarni namoyish etib, ularning amaliy ahamiyati va istiqbollarini asoslab bermoqdalar.
Tadbir yakunida eng yaxshi startap loyihalar mualliflarini taqdirlash marosimi oʻtkazilishi rejalashtirilgan.
Mazkur hackathon yoshlarda innovatsion fikrlashni rivojlantirish, startap tashabbuslarni qoʻllab-quvvatlash hamda Toshkent davlat tibbiyot universiteti va Yangi Oʻzbekiston universiteti oʻrtasidagi samarali hamkorlikni yanada mustahkamlashga xizmat qilmoqda.
Telegram | Facebook | Instagram | YouTube
