«Ол яратывчу ойланы оьрюнде эди» — профессор Сагьадулла Абусуевни эсге алыв гюню.
⚡19-нчу декабрде Къарабудагъгент юртда медицина илмуланы доктору, профессор Абусуев Сагьадулла Абдуллатиповични эсге алыв гюню оьтгерилген. Чара «Районну белгили адамлары» деген китапхана проектине гёре яшавгъа чыкъгъан.
🔺Эсге алыв ёлугъувда район администрациясыны, райцентрны идараларыны ва къурумларыны вакиллери, профессорну ювукъ адамлары, муаллимлер ва школаланы охувчулары ортакъчылыкъ этген. Гёрмекли алимибизни яшав ва илму ёлу булан жыйылгъанланы район администрацияны маданият ва туризм бёлюгюню ёлбашчысы Найида Мурзаева ва китапхананы баш китапханачысы Азинат Пашаева таныш этгенлер.
📍Чыгъып сёйлегенлер Сагьадулла Абусуевни илмуну ва медицина билим беривню оьсювюне этген уллу къошумун, ону бийик адамлыкъ хасиятларын ва тувгъан ерине берилгенлигин белгилегенлер.
📸Чара эсделик сурат алывлар булан тамамлангъан.
