«Хаҥалас» хаһыат 85 сылыгар
КЫРДЬЫГЫ ТУРУУЛАҺАН, КЭСКИЛИ ТҮСТЭҺЭН КЭЛЛИБИТ, ОРОЙУОН СУРУНАЛЫЫСТАРА
Улууспут хаһыата быйыл Улуу Өктөөп бырааһынньыгын күн, сэтинньи 7 күнүгэр тэриллибитэ 85 сылын туолла. Дойдуга быһыы-майгы уустугунан үлэлээн, кэккэ сылларга хаһыакка суруйан, үлэбитигэр кыттыһан ааспыт дьоннорбутун ыҥыран сэмэйдик бэлиэтээн аастыбыт.
Оччоттон баччаҕа дылы улууспут бэчээтин суруналыыстара сыалбыт-сорукпут биир — дьоммутугар-сэргэбитигэр кырдьыктаах информацияны тириэрдии, дойдубут норуоттара сомоҕо буолууларыгар, кэлэр кэскил туһугар өйү-санааны түмүү. Төһө даҕаны олохпут оҥкула түөрэ эргийдэр, киһи-аймах үйэлэртэн илдьэ кэлбит үтүө үгэстэрин, сотуллубат сыаннастарын ытыктаан тутуһан кэллибит. Кырдьык үрдүгэр сымыйа ыттыбат диэн сахаларга бэргэн этии баар. Кырдьык син биир күөрэйэн тахсар.
Сиhилии: https://ханаласгазета.рф/68482-2/
Людмила Аммосова.
