Тожу

Алды-киштеп, сырбык сүрүп

Аъттаныпса – аңчы, дииңчи

Ак, Кол, Бараан төрел-аймаа

Аралажып чурттап чоруур

Тожу, Тожу – бурун кожуун,

Тоолзуг байлак тыва черим.

Айлык, хүннүк оран эргип,

Чаат, шулун, чекпе дилеп,

Ажай-буурул сыннар тевер

Чары, мынды иви малдыг

Тожу, Тожу – шыргай эзим,

Тоолзуг байлак тыва черим.

Артыш, шаанак айызап кээр

Ие бойдус уран каазын

Авыралдап кадагалаан

Изиг суглуг Чойган аржаан,

Тожу, Тожу – ак-көк Азас,

Тоолзуг байлак тыва черим.

17. 12. 25

#енданбс

Тыва, Тожу

Артцалам Хертек