Qilmishi uchun avvaliga 8 yilga qamalib, apellyatsiyada ozodlikka chiqqan Akmal Shukurov yana qamaldi
2025-yil 16-mart kuni “The Tower” mehmonxonasi yonida tanishining yuziga musht tushirib, ogʻir tan jarohati yetkazgan Akmal Shukurov voqea joyidan qochib, yashiringandi. U koʻp oʻtmay Qozogʻistonda qoʻlga olingan va Jinoyat ishlari boʻyicha Mirzo Ulugʻbek tuman sudi hukmiga koʻra 8 yil 1 oy muddatga ozodlikdan mahrum qilingandi.
2025-yilning 9-dekabr kuni apellyatsiya sudi Akmal Shukurovga tayinlangan jazoni ozodlikni cheklash jazosiga oʻzgartirib, uni sud zalidan ozod etgandi.
“Daryo” muxbiri xabar berishicha, bugun, 18-dekabr kuni soat 16:30 da mazkur ishni koʻrib chiqqan Toshkent shahar sudining Taftish instansiyasi apellyatsiya instansiyasi ajrimini oʻzgartirib, Akmal Shukurovni 5 yilu 3 oyga ozodlikdan mahrum qildi.
