🔺 Toshkent davlat tibbiyot universitetida Rossiyaning yetakchi tibbiy-genetik ilmiy markazi rahbariyati bilan uchrashuv bo‘lib o‘tdi
➡️Bugun Rossiya Federatsiyasining Akademik N.P. Bochkov nomidagi Tibbiy-genetik ilmiy markazi (TGIM) delegatsiyasi Toshkent davlat tibbiyot universitetiga tashrif buyurdi.
✈️Mehmonlarni universitet rektori, professor Shuxrat Boymuradov samimiy kutib oldi va Akademik N.P. Bochkov nomidagi Tibbiy-genetik ilmiy markazi direktori Sergey Kutsev, TGIM Toshkent filiali direktori Tatyana Xegay, Rossiya Fanlar akademiyasining korrespondent a’zosi Aleksandr Polyakovdan iborat delegatsiyani Toshkent davlat tibbiyot universitetining ta’lim, ilmiy-tadqiqot va xalqaro hamkorlik yo‘nalishlaridagi faoliyati bilan tanishtirdi.
🔹Ma’lumot uchun: Akademik N.P. Bochkov nomidagi Tibbiy-genetik ilmiy markazi 1969-yil tashkil etilgan bo‘lib, Rossiya Federatsiyasida genom va postgenom texnologiyalari sohasidagi yetakchi ilmiy muassasalardan biri hisoblanadi. Markaz tarkibiga 23 ta ilmiy bo‘linma, 8 ta klinik bo‘linma hamda 12 ta kafedra kiradi. Unda ordinatura, aspirantura va qo‘shimcha kasbiy ta’lim dasturlari orqali tibbiy genetika sohasi uchun yuqori malakali mutaxassislar tayyorlanadi.
✈️Uchrashuv davomida tomonlar tibbiy genetika sohasida ilmiy-tadqiqotlarni rivojlantirish, mutaxassislar tayyorlash, tajriba almashish hamda qo‘shma ilmiy va ta’lim loyihalarini amalga oshirish masalalarini muhokama qildilar. Shuningdek, zamonaviy genetik texnologiyalarni amaliyotga joriy etish va xalqaro hamkorlikni kengaytirish bo‘yicha fikr almashildi.
✅Rasmiy sahifalarimiz:
Telegram | Facebook | Instagram | YouTube | X | Linkedin
