Шмяк исемле бесәй балаһы һәм сысҡан Сырник — иң яҡшы дуҫтар.
Улар бөтә эште бергә башҡара һәм бер секундҡа ла айырылмай.
— Беҙ һинең менән мәңгегә дуҫтар! — тине Шмяк.
— Мәңгегә дуҫтар! — тип ризалашты Сырник.
Нисек итеп яратҡан дуҫымды ҡыуандырам икән? – тип уйланып ултырҙы Шмяк. – Уны ныҡ шатландырырға теләйем. Әһә!
Мин уға уйындар һәм тәмлекәстәр менән байрам әҙерләйем.
Был сюрприз буласаҡ!
"Кәрәкле нәмәләрҙең яҙырға кәрәк. Ҙур торт, күп туңдырма менән кәнфит, шарҙар, пищалкалар, көлкө эшләпәләр, һәм тағы ла бик күп нәмәләр!"
Икенсе көнө, Шмяк дуҫтарына шылтыратырға уйлағанда, Сырник янында торған ине.
«Их, нисек эш башҡарырға? – тип уйланы Шмяк. – Сырник минең менән һәр ваҡыт булғас, мин нисек уға сюрприз әҙерләйем?»
Шмяк аяҡ осонда аш бүлмәһенә барып инде лә, Сырник ишетмәһен тип, бышынып ҡына әсәһенә уйлаған уйын һөйләне.
— Бик шәп уйлап тапҡанһың, — тине әсәһе. — Ләкин Сырникһыҙ магазинға нисек барасаҡһың?
— Минең бер уйым бар! — тип яуапланы Шмяк.
Шмяк Сырникты уның һеңлеһе менән бергә уйнап тороуын үтенде.
— Беҙ әсәйем менән магазинға барырға тейешбеҙ. Был бик күңелһеҙ!
Сырник ризалашты, әммә ғәжәпләнде: быға тиклем Шмяк ҡайҙа барһа ла, һәр ваҡыт уны үҙе менән бергә ала торғайны.
Шмяк магазинда тулы арба йыйҙы. Унда бик күп төрлө туңдырма бар ине! Әлбиттә, барыһын да тәмләп ҡарарға кәрәк.
Өйҙә Шмяк Сырникка әйтте:
— Әсәй мине хужалыҡ эштәрендә ярҙам итергә һораны. Әйткәндәй, Пряник һине ҡунаҡҡа саҡырҙы. Бар, күңелле булыр!
Сырник башын сайҡаны, ләкин аптыраны: ниңә Шмяк уны Пряник янына яңғыҙы ебәрә?
Элек улар Шмяк менән һәр саҡ бергә ҡунаҡҡа йөрөй торғайнылар.
Шмяк эшеңә тотондо. Ул Сырник өсөн сырный торт бешереп сығарҙы. Артабан тағы ла дүртәү бешереп алды. Һәм күп итеп сырный рогаликларҙы әҙерләне. Ләкин Шмяк быны аҙ тип һананы. Һәм шоколадно-сырный пудингтың ҙур һауытын әҙерләне.
Шип футбол уйнай һәм миңә судья булырға һораны. Мин тиҙҙән ҡайтам, һин хатта һағынырға ла өлгөрмәҫһең!
Сырник бик моңһоуланды. Ни өсөн Шмяк бер үҙе, уныһыҙ китте?
Ысынлап әйткәндәй, Шмяк Сырник өсөн байрамға саҡырыуҙар таратҡан. Ул үҙенең бөтә класташтарын, миссис Пухлисс һәм күрше йорттан игеҙәк бесәйҙәрҙе саҡырҙы.
Байрам көнө килеп етте. Шмяк Сырникка дуҫ ҡыҙы Китти янына уйнарға барырға вәғҙә биргәнен әйтте.
- Әсәйем тағы ла өй эштәрендә ярҙам һораны. Минең урыныма Китти янына үҙең барып ҡайтмаҫһыңмы? Сырник Китти менән уйнарға ярата ине, шуға ла ул риза булды.
Ләкин ул көйөнә ине: уға Шмяктың уның менән дуҫлашҡыһы килмәй тип тойола ине.
Шмяк өйҙө биҙәй башланы. Ул сағыу таҫмалар элде. Ул күп-күп шарҙар өрҙө. Аҙаҡ тағы ла шунса уҡ. Һәм тағы ла.
Әгәр сысҡан белә алһа ине, уға бесәй нимә әҙерләй!
Шмяк хатта: СЫРНИК ӨСӨН БАЙРАМ тигән яҙыулы ҙур транспарант элгән.
Шул арала Китти ла биҙәй ине... ул Сырникты биҙәй ине!
— Әйҙә, «сысҡан кейҙереү» уйнайбыҙ. Ҡара, ниндәй матур ҡурсаҡ комбинезоны. Сырник үҙенде көзгөгә ҡараны.
— Әйе, ул матур, — тине сысҡан. — Ләкин был минең стилем түгел.
Эйе, ул бик йәмле түгел," - тип әйткән Китти. — Ә бына ысын матурлыҡ! Һин бер сихри феяға әйләнерһең!
Фея булыуым килмәй!" - тип ҡысҡырҙы Сырник. — Шмяк, мин өйгә ҡайтам, дуҫлығыбыҙ өҙөлһә лә.
Сырник өйгә ҡайтып, ишекте асты. Уның ҡойроғо ла, мыйыҡтары ла моңһоу итеп эленеп торҙо. Уға быға тиклем бер ваҡытта ла былай яңғыҙ һәм хәсрәтле булғаны юҡ ине.
— Сюрприз! — барыһы ла бергәләп ҡысҡырҙы. Ә Шмяк барыһынан да көслөрәк ҡысҡырҙы.
Сырник шатлыҡтан урынында һикерә башланы:
— Байрам? Минең өсөн байрам?
Шуға күрә һин мине үҙең менән алмағанһың икән! Һин сюрприз әҙерләгәнһең!
Ура!
Сырник туңдырма ашаған, һәм торт, һәм кәнфиттәр, һәм сырный рогаликлар, һәм торттын тағы бер киҫәкте. Ул бүләктәр асты. Һәм тағы бер кисәк торт ашаны.
Ләкин иң мөһиме - ул Шмяк уның дуҫы булып ҡала икәненә ышанған!
— Рәхмәт, Шмяк, — тине сысҡан. — Был донъялағы иң яҡшы байрам булды!
— Беҙ һинең менән мәңгегә дуҫтар! — тине Шмяк.
— Мәңгегә дуҫтар! — тип ризалашты Сырник.
#башкирский язык #башҡорттеле