🏆 “Yilning eng faol talabasi – 2025” respublika ko‘rik-tanlovining yakuniy bosqichida Toshkent davlat tibbiyot universiteti talabalari yuksak natijalarga erishib, universitet sha’nini munosib himoya qildilar.
🎓 Gaibnazarov Sardorxon Sunnatillayevich —
Toshkent davlat tibbiyot universiteti 1-son davolash ishi fakulteti, 5-bosqich talabasi
“Yilning o‘z mutaxassisligi bo‘yicha eng bilimdon talabasi” nominatsiyasida 🥇 1-o‘rin sohibi bo‘ldi.
Sardorxon Gaibnazarov o‘zining chuqur nazariy bilimlari, amaliy tayyorgarligi, ilmiy izlanishlarga bo‘lgan intilishi hamda o‘quv jarayonidagi faolligi bilan hakamlar hay’ati tomonidan yuqori baholandi. Ushbu yutuq uning tibbiyot sohasidagi puxta tayyorgarligi va kelajakda malakali mutaxassis bo‘lish yo‘lidagi qat’iy intilishining yorqin dalilidir.
🎓 Botirova Farangiz O‘ktam qizi —
Toshkent davlat tibbiyot universiteti 2-son davolash fakulteti, 4-bosqich talabasi
“Yilning eng faol iqtidorli talabasi” nominatsiyasida 🥉 3-o‘rin sohibasi bo‘ldi.
Farangiz Botirova o‘zining ijodkorligi, ijtimoiy faolligi, ta’lim va jamoat ishlaridagi tashabbuskorligi hamda iqtidorini namoyon etib, respublika miqyosidagi nufuzli tanlovda sovrindorlar safidan munosib o‘rin egalladi.
✨ Ushbu yutuqlar Toshkent davlat tibbiyot universitetida yaratilgan zamonaviy ta’lim muhiti, yoshlarni har tomonlama qo‘llab-quvvatlash va ularning salohiyatini ro‘yobga chiqarishga qaratilgan tizimli ishlarning samarasi hisoblanadi.
👏 G‘olib va sovrindor talabalarni ushbu yuksak natija bilan samimiy tabriklab, ularga kelgusidagi ilmiy va kasbiy faoliyatlarida yanada katta muvaffaqiyatlar tilaymiz!
