3,5 тапҡырға күберәк
Башкортостанда яҡынса 200 саҡрым юл селтәре тәртипкә килтерелде
Башкортостанда "Тормош өсөн инфраструктура" милли проекты (нацпроект "Инфраструктура для жизни") буйынса яҡынса 200 саҡрым юл селтәре норматив хәлгә килтерелде, тип хәбәр иттеләр республиканың Транспорт һәм юл хужалығы министрлығынан. Был былтырғыға ҡарағанда 3,5 тапҡыр күберәк.
Шулай итеп, 2025 йылда Борай – Иҫке Балтас – Куйыҙа юлының 28 саҡрымы, Белорет – Учалы – Миәс трассаһының 11 саҡрымы, Магнитогорск – Ира юлының 8,2 саҡрымы, Стәрлетамаҡ – Белорет – Магнитогорск юлының 5 саҡрымы, Кушнарен – Саҡмағош – Баҡалы юлының 5,1 саҡрымы, Өфө – Инйәр – Белорет маршрутының 4,2 саҡрымы төҙөкләндерелде.
"Был юлдар район үҙәктәрен республика баш ҡалаһы менән тоташтыра, ҙур туристик урындарға, транспорт узелдарына һәм ҙур сәнәғәт предприятиеҙарына алып бара. Улар шулай уҡ федераль трассаларға инергә мөмкинлек бирә. Шуға күрә был юлдарҙа хәүефһеҙ һәм уңайлы йөрөүҙе тәьмин итеү мөһим", - тип билдәләне Республика Башкортостандың Транспорт һәм юл хужалығы министры Любовь Минакова.
Иҫегеҙгә төшөрәбеҙ, милли проекттар РФ Президенты Владимир Путиндың ҡарары менән тормошҡа ашырыла.
Беҙҙең МАХ каналына https://max.ru/gazetabashkortostan ҡушылығыҙ!