Балтачта балалар һәм үсмерләр Яңа ел әкиятенә җыелдылар.
Район мәдәният сараенда район Хакимияте башлыгының Чыршы бәйрәме үтте.
Мәһабәт бинага район үзәге Иске Балтачтан, башка авыллардан җыелган 400дән артык бала һәм үсмер арасында саулык мөмкинлекләре чикләнгәннәр, әтиләре, туганнары СВО зонасында булган балалар, уку алдынгылары, активистлар, олимпиада, ярыш, конкурслар җиңүчеләре, реабилитация филиалында саулыкларын яхшырткан кыз һәм малалайлар бар иде.
Балалар иҗаты үзәге һәм район мәдәният сарае хезмәткәрләре балаларның күңелен күрергә искиткеч программа әзерләгәннәр. Мәдәният сараеның ишек алдыннан кунакларны төрле әкият персонажлары — тигр, аю, куян, карбабай, скоморохлар, әтәч, төлке, песи һәм башкалар шаяру, уен булән каршы алды.
Яңа елдан могҗизалар көткән кыз һәм малайларны район Советы рәисе Азамат Мәгъзүмов тәбрикләде.
—Яңа ел — могҗизага тиң вакыт, хыяллар чынга ашуын тели торган бәйрәм. Кадерле балалар! Яңа ел сезгә үз-үзегезгә ышанучынлык алып килсен,
—диде.
