Eski mashinasini almashtiraman deganlarga, avtokredit foizining bir qismi qoplab beriladi
Prezident Shavkat Mirziyoyev katta miqdorda zararli moddalar chiqaradigan avtomashinalarning poytaxt va viloyat markazlari hamda shaharlarga kirishi cheklanishini ma’lum qildi.
“Bunday transport vositalarini yangisiga almashtirish yoki ularga filtr oʻrnatish uchun davlat tomonidan qoʻllab-quvvatlash choralari koʻriladi”, — dedi davlat rahbari.
Shuningdek, eski mashinasini almashtiraman deganlarga, avtokredit foizining bir qismi qoplab beriladi. Filtr oʻrnatib, zararni kamaytirishga tayyor boʻlgan haydovchilar uchun xarajatlarining bir qismi boʻyicha subsidiya ajratiladi.
Dunyo tajribasidan kelib chiqib, avtomobillar chiqarayotgan zararli moddalar darajasiga qarab, ekologik st́ikerlar tizimi joriy etiladi.
