Янғында бар туғандарын ҡотҡарған Алинаға миҙал тапшырҙылар
Өфөлә XVII “Батырлыҡ йондоҙлоғо” Бөтә Рәсәй фестиваленең төбәк этабында ҡатнашыусыларҙы бүләкләү тантанаһы булды.
Өфөлә Бөтә Рәсәй XVII “Батырлыҡ йондоҙлоғо” фестиваленең төбәк этабында ҡатнашыусыларҙы бүләкләү тантанаһы һәм Рәсәй Федерацияһының Граждандар оборонаһы, Ғәҙәттән тыш хәлдәр һәм эҙемтәләрҙе бөтөрөү эштәре буйынса министрлығы ярҙамында Рәсәй Федерацияһы Федераль Йыйылышының Федерация Советы эгидаһы аҫтында “Герой балалар” Бөтә Рәсәй гражданлыҡ-патриотик проекты сиктәрендә ғәҙәттән тыш хәлдәрҙә батырлыҡ күрһәткән балаларҙы хөрмәтләү тантанаһы үтте.
“Батырлыҡ йондоҙлоғо” фестивале – Рәсәй һәм республикабыҙ тарихының тағы бер героик йылъяҙмаһы. Бөгөн сит кешенең бәләһенә битараф булмаған кешеләргә рәхмәт һүҙҙәрен әйтеү айырыуса ҡыуаныслы, улар көн һайын батырлыҡ һәм ҡаһарманлыҡ ҡылған һәм әле лә ысын кешелек сифаттарының юғары икәнен иҫкә төшөрә.
Сарала ҡатнашыусыларҙы Рәсәй Ғәҙәттән тыш хәлдәр министрлығының Башҡортостан Республикаһы буйынса Баш идаралығы начальнигы вазифаһын ваҡытлыса башҡарыусы, эске хеҙмәт полковнигы Владимир Горин, Федерация Советы сенаторы Олег Голов, Башҡортостан Республикаһының Ғәҙәттән тыш хәлдәр буйынса дәүләт комитеты рәйесе Кирилл Первов һәм башҡа ҡунаҡтар тәбрикләне һәм дәүләт наградаларын тапшырҙы.
Бүләкләнеүселәр араһында балалар ҙа бар ине. Мәҫәлән, Мишкә районынан Алина Никитина Рәсәй Федерация Советының “Күрһәткән батырлығы өсөн” миҙалы, Рәсәй Ғәҙәттән тыш хәлдәр министрлығының “Янғында ҡотҡарған өсөн” миҙалы, Башҡортостан Республикаһы Хөкүмәтенең һәм Башҡортостан Республикаһы Мәғариф министрлығының, “Берҙәм Рәсәй” партияһының Рәхмәт хаттары, шулай уҡ ҡиммәтле бүләк менән бүләкләнде. Ҡыйыу ҡыҙ Сухоязов ауылында янғын ваҡытында тәҙрәне асып, уның аша һеңлеләрен ярҙамға йүгереп килгән күршеһенә тапшыра.
Шулай уҡ был көндә Рәсәй Ғәҙәттән тыш хәлдәр министрлығының Башҡортостан буйынса Баш идаралығы хеҙмәткәрҙәрен, ҡотҡарыусыларҙың эшен яҡтыртҡан иң яҡшы журналистарҙы бүләкләнеләр.
Фото: Рәсәй Ғәҙәттән тыш хәлдәр министрлығының Башҡортостан буйынса Баш идаралығынан.
