Буряадай Хориин аймагта һургуулиин шэнэ байшан нээгдэхэ

Һургуули хадаа нэгэ һэлгэлтээр һурахаар болоно Хори нютагта нэгэдэхи һургуулиин шэнэ байшан бэлдэжэ байна. Буряадай засагай газарай хэблэлэй албанай дуулгаһаар, шэнэ байшан соо 340 гаран үхибүүд һураха юм. Һаяхана тэрэ байшангые ажалаараа Хори аймагта ябажа байхадаа Буряадай толгойлогшо хараһан байна. - Гоё һургуули болоо. Бидэ хадаа мүнөө эгээл һүүлшын бэлэдхэлэй аргануудые хараабди. Мэнэ-мэнэ 7-14 хоногһоо һургуули үхибүүдээ угтахаар бэлэн байха. Һургуулиин нээлтэ боложо, үргэнөөр баярлахабди. Багшанар хүлеэжэ ядана юм. Ерэхэ шэнэ жэлдэ үхибүүд шэнэ һургуулида ябажа эхилхэ, - гэжэ Алексей Цыденов хэлэбэ. Шэнэ хоер дабхарай байшан 6 мянга квадрат талмайтай, 17 һургалтын үрөөнүүдтэй болоно. Тиихэдэ лабораторна үрөөнүүд, физикын, химиин, биологиин, информатикын, аюулгүй ажабайдалай ба Эхэ Ороноо хамгаалгын, модонтой, түмэртэй ажаллаха, эдеэ шанажа һураха үрөөнүүд бии болохо юм. Тиихэдэ һургуули соо бэеын тамирай талмай, 90 хүнэй эдеэ хоол бариха газар, олон зоной сугларха үрөө, номой сан, эмшэнэрэй үрөө бии болохо. Шэнээр абагдаһан хэрэгсэлнүүд соо интерактивна панельнууд, компьютернууд, модульна тоноглол (хими, физикэ ба бусад кабинетнуудай түхеэрэмжэ), нүүдэлэй компьютерна классууд, теэд бүрэн тоноглогдоһон хоолой танхим, бэеын тамирай болон олоной сугларха залнууд ороно. Зэрэглээд байһан газарнуудта тоглолтын талмайнууд, уралдаанай зурлаанууд, гүйлгээр һорихо зам, мүн алхажа ябаха харгынууд бүрхэгдэн табигданхай. Нэмэлтэ байшан баригдажа, 1969 ондо баригдаһан үндэһэн һургуулиин байшаниие сүлөөтэй болгоходо туһална. Энээнэй аргаар 800 гаран һурагшадта таатай байдал бүридүүлхэ арга болоно юм. – Мүнөө бидэ хоёр ээлжээгээр һуранабди, харин шэнэ һургуули нээгдэхэдэ нэгэ ээлжээгээрр һураха болохобди, – гэжэ захиралай орлогшо Светлана Садовская тэмдэглэбэ. Байшан хадаа «Залуушуул ба үхибүүд» гэһэн үндэһэн түсэлээр баригдажа байна, энэ хэрэг хадаа Россиин юрэнхылэгшэ Владимир Путинэй захяагаар бэеэлүүлэгдэжэ байна.