Иҫке Мөсәттә күптән көтөп алынған ваҡиға булған
Был хаҡта Бөрйән районы хакимиәтенән хәбәр иттеләр.
Бөрйән районының Иҫке Мөсәт ауылында яңы фельдшер-акушерлыҡ пунктын астылар. Медицина пункты барлыҡ заманса талаптарға ярашлы төҙөлгән. Был эштәр Рәсәй Президенты Владимир Путиндың “май” указдарына ярашлы барлыҡҡа килгән “Оҙайлы һәм әүҙем тормош” милли проекты (национальный проект “Продолжительная и активная жизнь”) бурыстарын тормошҡа ашырыуға ярашлы барлыҡҡа килгән. Был хаҡта Бөрйән районы хакимиәтенән хәбәр иттеләр.
Яңы фельдшер-акушерлыҡ пункты халыҡҡа сифатлы медицина ярҙамын күрһәтеү һәм хеҙмәткәрҙәрҙең хеҙмәте уңайлы булһын өсөн барлыҡ ҡорамалдар менән тәьмин ителгән. Медицина ойошмаһы 485 кешене хеҙмәтләндерәсәк. “Заманса ҡорамалдар һәм уңайлы шарттрар менән тәьмин ителгән яңы фельдшер-акушерлыҡ пунктының асылыуы – барыбыҙ өсөн дә ҡыуаныслы күренеш. Хәҙер урында йәшәүселәр үҙҙәренә уңайлы булған урында диспансерлаштырыу үтә һәм кәрәкле ярҙамды алыу мөмкинлегенә эйә”, - тип белдерҙе Бөрйән районы хакимиәте башлығы Рәмил Абдуллин.
Әйткәндәй, быйыл Бөрйән районында, “Әүҙем һәм оҙайлы тормош” милли проектына ярашлы, Исламбай, Ҡотан, Һарғая һәм Тимер ауылдарында яңы ФАП-тар сафҡа инәсәк.
Рәсәй Президенты Владимир Путиндың указына ярашлы барлыҡҡа килгән “Оҙайлы һәм әүҙем тормош” милли проекты бурыстарын тормошҡа ашырыуға ярашлы, районда ауыл медицинаһын заманлаштырыу һәм киңәйтеү буйынса эш дауам итә. Был урында йәшәүселәрҙе сифатлы һәм үҙ ваҡытында медицина ярҙамы менән т әьмин итергә, уларҙың һаулығын нығытырға булышлыҡ итә.
2025 йылда, “Оҙайлы һәм әүҙем ғүмер” милли проектының (национальный проект “Продолжительная и активная жизнь”) бурыстарын тормошҡа ашырыуға ярашлы, республикала 4,5 мең берәмек медицина ҡорамалы, 99 автотранспорт һатып алыу планлаштырылған. 134 модулле конструкция ҡуйыу, туғыҙ объектта капиталь ремонт эштәрен атҡарыу һәм алты яңы поликлиниканы сафҡа индереү ҡаралған.
Сығанаҡ: БР Һаулыҡ һаҡлау министрлығы, фото: “Башҡортостан” ДТРК-һы.
Беҙҙең МАХ каналына https://max.ru/gazetabashkortostan ҡушылығыҙ!