Пилотсăр системăсен çарне набор пуçланчӗ
2026 çул валли Пилотсăр системăсен çарне контрактпа службăна каймашкăн набор пуçланчӗ. Унта 18 – 45 çулсенчи, сывлăхпа А тата Б категориллисене илеççӗ. Контрактăн çак тата ытти условийӗсем çинчен паян «Татар-информ» агентствăра иртнӗ пресс-конференцире Хусанти контрактпа çар службине илекен пунктăн ертӳçи Андрей Козлов пӗлтерчӗ.
Спикер сăмахӗсем тăрăх, пункт ятарлă çар операцийӗн подразделенийӗсене, Африка корпусне контрактпа каякансене суйласа илес ӗçе малалла тăсать. Анчах хальхи вăхăтра Оборона министерстви вӗсен умне çӗнӗ задача лартнă. Тин кăна йӗркеленекен Пилотсăр системăсен çарӗ (сăмах кунта сывлăшпа вӗçекен, çӗрпе шăвакан, шывра ишекен пилотсăр системăсен операторӗсене пӗрлехи системăна пӗрлештересси пирки пырать) валли харпăр состав пухмалла.
